Biełaruska, jakaja vyrablaje broški ŭ vyhladzie dziaŭčat z čyrvona-zialonymi kakošnikami, ščyra nie razumieje, čamu jaje krytykujuć
Sama ž majstrycha z Salihorska ščyra ličyć svaje vyraby pryhožymi, bo jany ŭ kolerach aficyjnaha ściaha. A ŭ jakaści abarony ad chiejtaraŭ narabiła birulek u vyhladzie fałasaŭ.
Kaciaryna Kruk robić upryhožvańni z epaksidnaj smały z zasušanymi raślinami. Jak i šmat chto z majstrych, jana sprabuje rekłamavać svaje vyraby praz tyktok.
Niečakana vyrabam, jaki najbolš aktyŭna abmiarkoŭvali karystalniki sacsietak, stali broški dy padviesy ŭ vyhladzie dziaŭčat ź zialona-čyrvonymi kakošnikami.
Šmat chto pisaŭ Kaciarynie pra toje, što heta dziŭnaje spałučeńnie, bo niezrazumieła, jakoje dačynieńnie majuć da Biełarusi kakošniki. Majstrycha pabačyła ŭ krytycy chejt i zapisała videa, u jakim aburajecca hetym. Ale ličyć, što prablema bolš nie ŭ kakošnikach, a ŭ tym, što jany ŭ kolerach aficyjnaha ściaha.
Kaža, što daviedałasia: majstrychi, jakija robiać niešta ŭ čyrvona-zialonych kolerach, sustrakajucca z abrazami.
Kaciaryna davoli ahresiŭna adkazvaje na absalutna niejtralnyja kamientary kštałtu: «Pieśnia pryhožaja, ale nie było ŭ biełaruskaj kultury kakošnikaŭ». I pytajecca ŭ kamientataraŭ, ci nie atrymoŭvajuć jany hrošy za svaju krytyku.
— Ja liču hetyja broški pryhožymi, bo na ich naša simvolika, koler našaha biełaruskaha ściaha. I vielmi šmat biełarusaŭ ličać tak, jak i ja. Spadziajusia, vy razumiejecie, što popyt sparadžaje prapanovu. I nivodny razvažny majstar nie budzie rabić vyraby ŭ stoł.
Što praŭda, jaje broški z šyračeznaj biełaj pałasoj źleva bolš nahadvajuć ściah Madahaskara.
Tym, kamu nie padabajucca broški z kakošnikami, Kaciaryna prapanoŭvaje nabyć broški z vałoškami. Taksama žančyna žartuje, što narabiła ŭžo abiarehaŭ ad chiejteraŭ — birulek u vyhladzie fałasaŭ.
Ciapier čytajuć
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ32
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1414
Kamientary