«Vyžyła tolki kotka». Abharełaja, jana prasiadzieła 12 hadzin na leśvicy paśla pažaru ŭ kvatery ŭ Maładziečnie, dzie zahinuli try čałavieki
Kažuć, što letaś hetuju kotku zahinułaja ŭ ahni haspadynia vykinuła z 7‑ha paviercha. Na pažary adtul skoknuŭ syn žančyny i raźbiŭsia.
Uviečary 2 sakavika ŭ adnym sa šmatpaviarchovikaŭ u Maładziečnie adbyŭsia strašny pažar. Zhareła haspadynia kvatery i jaje znajomy, a 31‑hadovy syn haspadyni raźbiŭsia, vyskačyŭšy z akna siomaha paviercha.
Niejkim cudam u pažary vyžyła kotka. Jana mocna paciarpieła, piša mogilev.in.
Vałanciory arhanizacyi «Šans na žyćcio. Maładziečna» znajšli žyviołu na leśvicy ŭ padjeździe — paśla pažaru im napisali ŭ čacie, pieradaŭšy słovy ratavalnika pra kotku, jakaja adna zastałasia žyvoj.
U žyvioły abharełaja mordačka i łapy. Kotku adrazu ž advieźli da vieterynaraŭ, dzie joj akazali pieršuju dapamohu.
Na vychodnych, jak raspaviali vałanciory, žyviołu adviazuć u Minsk u vietkliniku «Kampańjon» na kansultacyju da aftalmołaha.
Na zaklik ab dapamozie ŭ sacsietkach adhuknułasia šmat ludziej: pieravodziać hrošy na lačeńnie, pryvoziać ježu, niekatoryja hatovyja zabrać jaje sabie.
Pakul što kotka maje patrebu ŭ lačeńni, a paśla vałanciory pasprabujuć znajści svajakoŭ zahinułych haspadaroŭ — mahčyma, jany zachočuć zabrać jaje, bo «tak budzie pravilna».
U kamientarach pišuć, što nibyta ŭ minułym hodzie hetuju samuju kotku zahinułaja žančyna vykinuła z 7‑ha paviercha. Tady žyvioła vyžyła, a vidavočcy źviartalisia ŭ milicyju.
Pavodle papiaredniaj viersii Śledčaha kamiteta, napiaredadni pažaru ŭ kvatery pili i kuryli. Potym zdaryłasia biada, ad jakoj paciarpieŭ amal uvieś padjezd: kvatery źvierchu zakapcilisia, źnizu — zalityja vadoj. Ludzi ŭ stresie.
A abharełaja kotka prasiadzieła na leśvicy, pakul jaje nie zabrali vałanciory — pavodle ich słoŭ, heta adbyłosia praz 12 hadzin paśla pažaru. Uvieś hety čas na jaje nichto nie źviartaŭ uvahi.
«U pašparcie babuli staić data naradžeńnia 00.00.1945» — «A ŭ majoj XX.XX.1940». Jak takoje moža być?2
Kamientary