«Chacieŭ pajści na słužbu, abaraniać vas ad dronaŭ». Hamielčuka, jaki maryŭ słužyć u vojsku, zatrymali «za padpisku»
Žychar Homiela vykłaŭ emacyjnaje videa, u jakim raskazaŭ, što jahonaha syna zatrymali i buduć sudzić «za padpisku», zaŭvažyŭ «Fłahštok». Pavodle słoŭ mužčyny, heta moža sapsavać jamu žyćcio, pakolki syn chacieŭ pajści na vajskovuju słužbu pa kantrakcie.
Aŭtar rolika adznačyŭ, što syna zatrymali i źmiaścili da suda ŭ izalatar za padpisku «na niejkuju supołku, u jakoj tysiača padpisčykaŭ — tysiača pracoŭnaha materyjału, jak my z vami».
Pa administracyjnaj spravie pryznačyli sud. Zvyčajna ŭ takich vypadkach u Biełarusi masava sudziać pa art. 19.11 KaAP «Raspaŭsiudžvańnie, vyrab, zachoŭvańnie, pieravozka infarmacyjnaj pradukcyi, jakaja źmiaščaje zakliki da ekstremisckaj dziejnaści abo prapahanduje takuju dziejnaść», za što karajuć bujnym štrafam abo aryštam.
Hamialčuk pieražyvaje, što pad pahrozaj karjera syna:
«Jon pavinien byŭ stajać na varcie Biełarusi, u SPA pa kantrakcie. Chacieŭ pajści na słužbu na piać hadoŭ, abaraniać vas ad dronaŭ, kab žyli pad mirnym niebam. Ale sud moža sapsavać jamu karjeru. Za adnu niejkuju padpisku na supołku, jakaja zabaronienaja ŭ Biełarusi».
Mužčyna adznačaje:
«My ž z vami nie viedajem, jakija supołki zabaronienyja. Vy daniasicie da hramadskaści, kab my viedali».
Taksama jon raskazaŭ, što ŭ jaho była anałahičnaja situacyja, kali na jaho skłali pratakoł «za padpisku», ale nie zmahli dakazać ździajśnieńnie pravaparušeńnia, tamu suda nie było.
Ułady Biełarusi naličyli ŭžo bolš za 9 tysiač tak zvanych «ekstremisckich materyjałaŭ» — śpis amal štodnia abnaŭlajecca, adsačyć usie pazicyi niemahčyma.
U kamientaryjach pad rolikam hamielčuka taksama adznačyli, što śpis «ekstremisckich materyjałaŭ» jość u volnym dostupie, «ale ich nierealna ŭsie zapomnić, i jany pastajanna papaŭniajucca»: «Čamu čałaviek pavinien za hetym sačyć?»
Inšy karystalnik prakamientavaŭ:
«Heta treba kožny dzień nie pracavać, a prahladać toje, što jość, i što jašče tudy ŭnieśli, i siadzieć minimum dźvie hadziny, a to i bolš, kab razabracca».
Pra vyniki suda nad synam mužčyna pakul nie raskazvaŭ, ale vykładaŭ novaje videa pra toje, što nie moža znajści jaho ni ŭ sudzie, ni ŭ milicyi.
Rasijanin, asudžany za padpał mašyny biełaruskaha hienierała, raskazaŭ, jak jaho katavaŭ Kubrakoŭ
Redaktara niezaležnaj baranavickaj haziety «Inteks-Pres» Janukieviča prysudzili da 14 hadoŭ kałonii, jaho namieśnika Pakalenku — da 12 hadoŭ
«U kałoniju zajechała žančyna, jakaja adpraŭlała mnie miłyja pasyłki». Intervju z hałoŭnaj redaktarkaj Tut.by Marynaj Zołatavaj
Ciapier čytajuć
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2020
Kamientary
I tut našiełsia śmielčak, kotoryj robko prosit razriešienija odnim hłazkom zahladyvať v "zaprieŝienku", i čtob za eto nie nakazyvali stroho.
Počiemu-to dažie śmiešno.
Čiełoviek nie to čto za 31 hod nie poniał, s kiem imiejet dieło.
On nie poniał dažie za 6 let žiestočajšich rieprieśsij.