U Słavakii dočki pryjšli na mahiłu niadaŭna pamierłaha baćki i pačuli ź jaje padazronyja huki. Im nie padałosia
U niadzielu 26 krasavika ŭ druhoj pałovie dnia rodnyja pamierłaha 60‑hadovaha mužčyny pryjšli na mohiłki ŭ vioscy Bijacaŭcy ŭ Prešaŭskim krai Słavakii. I tam ź imi zdaryłasia niezvyčajnaja historyja, paviedamlaje denik.cz.
Kali dočki padyšli da mahiły baćki i pačali na joj hałasić, jany pačuli z-pad ziamli huki, padobnyja da stukaŭ i čałaviečaha hołasu. Pavodle śviedak, šumy paŭtaralisia nieadnarazova.
Žančyny spałochalisia i vyklikali palicyju. Jak paviedamlajecca, patrul prybyŭ praź niekalki dziasiatkaŭ chvilin. Spačatku supracoŭniki pastavilisia da paviedamleńnia pra šum skieptyčna, adnak paśla sami pačuli huki ź miesca pachavańnia. Adzin z palicejskich navat zafiksavaŭ heta na zapis.
Za adkryćcio mahiły ŭzialisia nie adrazu. Patrebna było atrymać na heta zakonny dazvoł, vyklikać pachavalnuju słužbu i arhanizavać raboty. Da hetaha času palicyja abmiežavała dostup ludziej da miesca zdareńnia.
Prykładna paśla 18‑j hadziny na mohiłki prybyli pažarniki i inšyja słužby, jakija akazvali techničnuju dapamohu. Paśla hetaha mahiłu adkryli.
Unutry pachavańnia znajšli cieła mužčyny. Pavodle apisańniaŭ, jano mieła prykmiety pasinieńnia. Miedyki i śledčyja pačali pracesualnyja dziejańni na miescy.
Cieła nakiravali na sudova-miedycynskuju ekśpiertyzu. Jana pavinna vyznačyć dakładny čas i pryčynu śmierci, a taksama vyśvietlić, ci mahli huki być źviazanyja ź ciełam abo mieli inšaje pachodžańnie.
Pavodle papiaredniaj infarmacyi, mužčyna byŭ pryznany pamierłym paśla ciažkich uskładnieńniaŭ zdaroŭja. Jon pieranios amputacyju nahi, paśla čaho raźviŭsia siepsis. Pavodle miedycynskich dakumientaŭ, jahonaja śmierć była kanstatavanaja raniej, a pachavańnie adbyłosia za niekalki dzion da zdareńnia.
Palicyja Prešaŭskaha kraju paviedamiła, što pryniała materyjały pa spravie i pravodzić pravierku ŭsich abstavin. Paśla zakančeńnia rasśledavańnia siamja zmoža arhanizavać paŭtornaje pachavańnie.
U Niaśvižy adkryli pamiatny znak da Hoda biełaruskaj žančyny. Jon padobny na nadmahille
«Ježa na mohiłkach — tak było zaŭsiody». Historyk pra tradycyi paminalnaha stała ŭ biełarusaŭ
Statkievič zaklikaŭ biełarusaŭ nie malicca na movie RPC i pisać na pomnikach pa-biełarusku
«Płača i baicca spać pa načach». Maci pieršakłaśnicy aburyłasia, što dzieciam u 6 hadoŭ raskazvali, jak u Chatyni spalvali ludziej
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty21
Kamientary