Bardeła dystancyjavaŭsia ad «AdH» i nazvaŭ adnosiny Francyi z FRH asnovaj Jeŭropy
Kiraŭnik francuzskaha «Nacyjanalnaha abjadnańnia» Žardan Bardeła ŭ intervju FAZ zajaviŭ, što jaho partyja nie ličyć partyju «Alternatyva dla Hiermanii» sajuźnikam, piša Bild.
Pavodle jaho słoŭ, mnohija pazicyi AdH, u tym liku rytoryka pa histaryčnych pytańniach, «niesumiaščalnyja z našymi pryncypami». Pry hetym Bardeła padkreśliŭ važnaść adnosin Paryža i Bierlina.
«Francuzski prezident — siabar fiederalnaha kanclera, i tak pavinna zastavacca», — dadaŭ jon.
Bardeła vystupiŭ za žorstki mihracyjny kurs: admienu aŭtamatyčnaha hramadzianstva pa naradžeńni ŭ Francyi, razhlad zajavak na prytułak u pasolstvach, vysyłku zamiežnych złačyncaŭ i pryjarytet francuzaŭ pry atrymańni sacyjalnaj dapamohi.
«Naša nacyjanalnaje prava pavinna atrymać pryjarytet nad jeŭrapiejskim pravam u mihracyjnaj palitycy», — skazaŭ jon.
Pry hetym palityk zajaviŭ, što nie choča vychadu Francyi ź ES.
Zamiest hetaha jon prapanuje damahacca vyklučeńniaŭ z ahulnajeŭrapiejskich pravił pa prykładzie Danii.
Bardeła taksama raskrytykavaŭ Jeŭrakamisiju pad kiraŭnictvam Ursuły fon der Lajen, nazvaŭšy jaje «častkova adkaznaj za ekanamičny zaniapad Jeŭropy», i zapatrabavaŭ jaje adstaŭki.
Ciapier čytajuć
Minčanka Anhielina, jakaja vyprasiła ŭ Łukašenki kvateru za trajniat, upieršyniu pakazała toj padarunak14
Minčanka Anhielina, jakaja vyprasiła ŭ Łukašenki kvateru za trajniat, upieršyniu pakazała toj padarunak
«Čamu my pavinny niejak uščemlivać siabie?». Dyrektarka RTBD patłumačyła, čamu pastaviła śpiektakl pavodle Puškina ŭ adnym z apošnich teatraŭ krainy, jaki pracavaŭ pa-biełarusku6060
Kamientary