U pasiołku Nurlina Baškartastana pačaŭsia pažar na terytoryi liniejnaj vytvorča-dyśpietčarskaj stancyi «Nurlina». Hety abjekt źjaŭlajecca najvažniejšym źvianom u sistemie transpartavańnia rasijskaj nafty.
Stancyja «Nurlina» ličycca najbujniejšym padraździaleńniem u składzie AT «Tranśniefć — Urał». Jana vykonvaje rolu klučavoha vuzła dla mahistralnych naftapravodaŭ. Na abjekcie zabiaśpiečvajecca poŭny cykł pracy z syravinaj: ad pryjomu i zachoŭvańnia da źmiešvańnia roznych hatunkaŭ nafty i jaje dalejšaha pierapampoŭvańnia. Zdareńnie na takim važnym vuźle moža stvaryć surjoznyja pieraškody dla bieśpierabojnaj pracy ŭsioj sietki naftapravodaŭ rehijona.
Siońnia ŭkrainskija drony atakavali ŭ Rasii taksama abjekty ŭ Jarasłaŭskaj vobłaści i ŭ rajonie porta Tamań u Krasnadarskim krai dy hazapierapracoŭčy zavod u Astrachanskaj vobłaści. Miascovyja hubiernatary paviedamili pra «padzieńnie abłomkaŭ na pramysłovyja abjekty» tam.
Kamientary