Siońnia na Homielščynu zalacieli minimum šeść rasijskich bieśpiłotnikaŭ
Padčas masavanaj pavietranaj ataki Rasii pa haradach Ukrainy ranicaj 13 maja byli zafiksavanyja čarhovyja vypadki parušeńnia pavietranaj prastory Biełarusi, a mienavita Homielščyny, paviedamlaje «Fłahštok».
Pavodle danych ukrainskaha manitorynhavaha kanała «Rynda monitorit», pieršy taki vypadak adbyŭsia kala 08:40. Adzin BpŁA praź Lubieč u Čarnihaŭskaj vobłaści vylecieŭ u bok Brahina.
A 09:23 hety ž kanał paviedamiŭ, što dron ruchajecca praz Brahin u bok Chojnikaŭ (musić, toj samy).
Zatym, kala 10:00, adrazu 5 BpŁA manieŭravali ŭ rajonie Paleskaha radyjacyjna-ekałahičnaha zapaviednika. Nieŭzabavie kanał prainfarmavaŭ, što 3 drony nakiroŭvajucca kursam na Brahin, a 2 — kursam na Chojniki.
Toje, što rasijskija bieśpiłotniki fiksavalisia pablizu Brahina i Chojnikaŭ, paćviardžali i inšyja manitorynhavyja kanały.
Takim čynam, mierkavana, ranicaj 13 maja jak minimum 6 rasijskich BpŁA zalacieli na Homielščynu. Ich dalejšy los pakul nieviadomy.
Kamientary