Try dziaržaŭnyja naftavyja kampanii Indyi admovili Rasii ŭ prośbie pavialičyć pastaŭki bienzinu, zajaviŭšy, što ŭ ich niama dadatkovych abjomaŭ paliva dla ekspartu, paviedamlaje ahienctva Reuters sa spasyłkaj na krynicy ŭ indyjskich naftapierapracoŭčych kampanijach.
Z prośbaj ab dadatkovych partyjach bienzinu da indyjskich NPZ źviarnulisia rasijskija naftavyja kampanii «Rasnafta» i «Hazpram nafta», jakija pastaŭlajuć naftu na indyjski rynak. Jany źviartalisia jak da pryvatnych, tak i da dziaržaŭnych pradpryjemstvaŭ.
Siarod dziaržaŭnych NPZ, da jakich była nakiravanaja prośba, nazyvajucca najbujniejšyja indyjskija kampanii Indian Oil, Bharat Petroleum i Hindustan Petroleum. Jany adkazali, što nie majuć svabodnych abjomaŭ paliva dla dadatkovaha ekspartu.
U ciapierašni čas u Rasiju nakiroŭvajucca tolki dźvie partyi indyjskaha bienzinu. Abiedźvie pastaŭlaje kampanija Nayara Energy, u jakoj 49% akcyj naležyć «Rasnafcie».
Pieršaja partyja — kala 42 tysiač ton bienzinu — była zahružanaja ŭ červieni na najbujniejšym u Indyi NPZ Vadinar. Paliva było pierapampavana na inšaje sudna kala ŭźbiarežža Jehipta. Čakajecca, što jano prybudzie ŭ rasijski port Vicina ŭ Murmanskaj vobłaści 26 lipienia.
Jašče adzin tankier ź indyjskim bienzinam ruchajecca ŭ bok Sueckaha kanała. Tam paliva pavinna być pierahružana na inšaje sudna, jakoje dastavić jaho ŭ adzin z rasijskich partoŭ.
Ahulny abjom indyjskich pastavak u Rasiju składzie mienš za 100 tysiač ton bienzinu. Pry hetym, pavodle acenak Energy Intelligence, deficyt naftapraduktaŭ na rasijskim rynku składaje kala 400—600 tysiač ton u miesiac.
Častku niedachopu Rasija zakryvaje za košt impartu ź Biełarusi i Kazachstana. Pavodle źviestak Reuters, biełaruskija naftapierapracoŭčyja zavody pastaŭlajuć u Rasiju kala 5—6 tysiač ton bienzinu ŭ sutki. Kazachstan pahadziŭsia nakiravać 50 tysiač ton paliva ŭ ramkach humanitarnaj dapamohi.
Pryčynaj deficytu paliva ŭ Rasii nazyvajucca ŭdary pa naftapierapracoŭčych zavodach. Pavodle acenak Energy Intelligence, z-za paškodžańniaŭ prykładna pałova mahutnaściaŭ rasijskaj naftapierapracoŭki nie pracuje. Ahulnyja abjomy pierapracoŭki źnizilisia prykładna da 3,53 miljona baralaŭ nafty ŭ sutki — heta moža być minimalnym pakazčykam z pačatku 2000‑ch hadoŭ.
Ekśpierty adznačajuć, što chutka adnavić vytvorčaść paliva budzie składana. Pavodle acenak krynic Reuters, navat pry spryjalnych umovach na heta spatrebicca kala dvuch miesiacaŭ, kali nie spatrebicca spyniać dadatkovyja naftapierapracoŭčyja zavody.
Čamu Kreml nie zdolny spynić paliŭny kryzis u Maskvie navat canoj tatalnaha deficytu ŭ rehijonach
Rasijskaja naftapierapracoŭka abvaliłasia da minimumu z 2005 hoda
«Dumka, što niepadaloku niešta ŭzarvali, tryvožyć». Biełarusy, jakija žyvuć u Rasii, raskazali pra ciapierašniuju atmaśfieru tam
Biełaruś naraściła pastaŭki bienzinu ŭ Rasiju da histaryčnaha maksimumu. Heta moža pastavić biełaruskija NPZ pad udar Ukrainy
Ciapier čytajuć
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna5
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary