Pavodle źviestak analityčnaj kampanii EA Analytics, u lipieni abjomy pierapracoŭki nafty na rasijskich naftapierapracoŭčych zavodach skaracilisia da samaha nizkaha ŭzroŭniu z 2005 hoda. U pieršyja tydni miesiaca pradpryjemstvy pierapracoŭvali kala 3,91 miljona baralaŭ nafty za sutki, što mienš, čym u papiarednija miesiacy, i značna nižej za pakazčyki pačatku hoda, piša Bloomberg.
U paraŭnańni ź lipieniem minułaha hoda abjomy pierapracoŭki źmienšylisia prykładna na čverć, a ŭ paraŭnańni z 2021 hodam — amal na tracinu.
Za apošnija sto dzion ukrainskija bieśpiłotniki kala piacidziesiaci razoŭ atakavali rasijskija naftapierapracoŭčyja zavody. Pad udarami apynulisia nie mienš jak 24 z 34 najbujniejšych pradpryjemstvaŭ, u tym liku zavody ŭ centralnaj častcy Rasii i za Urałam. Siarod ich — Omski NPZ, jaki znachodzicca za niekalki tysiač kiłamietraŭ ad ukrainskaj miažy.
Analityki Energy Intelligence aceńvajuć ciapierašnija abjomy pierapracoŭki jašče nižej — kala 3,58 miljona baralaŭ za sutki, što moža być samym nizkim pakazčykam jak minimum z 2002 hoda. Pavodle ich acenak, ciapier nie pracujuć vytvorčyja mahutnaści, zdolnyja pierapracoŭvać kala 3,1 miljona baralaŭ nafty ŭ sutki, i pakul nieviadoma, kali ich udasca adnavić.
Akramia Omskaha naftapierapracoŭčaha zavoda, spyniŭ pracu i zavod «Tanieka» ŭ tatarstanskim Nižniakamsku, jaki taksama ŭvachodzić u lik najbujniejšych u Rasii. Pavodle acenak Energy Intelligence, deficyt naftapraduktaŭ u krainie ciapier składaje ad 400 da 600 tysiač ton u miesiac. Pastaŭki ź Biełarusi i Kazachstana mohuć pakryć tolki častku hetaha niedachopu.
Pavodle danych kampanii Kpler, u Rasiju ŭžo nakiroŭvajucca tankiery ź bienzinam ź Indyi. Taksama paviedamlajecca pra nievialikija pastaŭki bienzinu z Kitaja, jaki dastaŭlajecca aŭtacysternami ŭ rehijony Dalokaha Uschodu.
Rasija čatyry hady biła pa ŭkrainskich CEC i NPZ, a ciapier nazyvaje ŭkrainskija ŭdary pa ich «teraryzmam»
Čamu Kreml nie zdolny spynić paliŭny kryzis u Maskvie navat canoj tatalnaha deficytu ŭ rehijonach
Ataka na NPZ u Maskvie — jak «najlepšaja SPA ŭ Rasii» prapuściła ŭdar pa stalicy?
Pucin paabiacaŭ adkazvać na ŭkrainskija ŭdary pa Rasii «ŭ niekalki razoŭ macniej»
Ciapier čytajuć
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie9
Kamientary