Sałat ajśbierh, jaki padavali ŭ bujnoj sietcy chutkaha charčavańnia Taco Bell, akazaŭsia niebiaśpiečnym dla zdaroŭja. Pavodle amierykanskich orhanaŭ achovy zdaroŭja, u piaci štatach jon staŭ pryčynaj uspyški parazitarnaha zachvorvańnia — cykłasparyjazu.
Parazit nazyvajecca Cyclospora cayetanensis i vyklikaje mocnuju dyjareju, piša Bild.
Ličycca dakazanym, što ŭ štatach Indyjana, Kientuki, Mičyhan, Ahajo i Zachodniaja Virdžynija pryčynaj masavaj dyjarei staŭ mienavita sałat Taco Bell.
Sietku chutkaha charčavańnia zabiaśpiečvaje pradukcyjaj kampanija Taylor Fresh Foods z Salinasa, štat Kalifornija. Pastaŭščyk pryznaŭ, što testy Upraŭleńnia pa sanitarnym nahladzie za jakaściu charčovych praduktaŭ i Centra pa kantroli i prafiłaktycy zachvorvańniaŭ «pakazvajuć na kankretnaje niezaležnaje sielskahaspadarčaje pradpryjemstva», źviazanaje z kampanijaj.
Choć u zajavie adznačałasia, što kampanija «hłyboka zaniepakojenaja» losam tych, chto zachvareŭ, heta nie pieršaja bujnaja ŭspyška dyjarei, jakuju źviazvajuć z Taylor Fresh Foods.
Akramia sałataŭ i manha, u 2024 hodzie zaražanaj akazałasia cybula ŭ McDonald's: tady praz raspaŭsiudžvańnie kišačnaj pałački ŭ 14 štatach adzin čałaviek pamior.
Tym časam Taco Bell paabiacała časova nie vykarystoŭvać zielaninu ad hetaha pastaŭščyka ź Mieksiki.
Situacyja nabyła surjozny maštab: tolki ŭ štacie Mičyhan, jaki staŭ epicentram uspyški, zarehistravana bolš za piać tysiač vypadkaŭ zachvorvańnia. Bolš za sto čałaviek daviałosia špitalizavać.
Cyclospora cayetanensis, jak praviła, nie pieradajecca ad čałavieka da čałavieka, a raspaŭsiudžvajecca praz pradukty charčavańnia abo vadu i paražaje tonki kišečnik.
Uspyški cykłasparyjazu ŭ ZŠA čaściej za ŭsio adbyvajucca letam.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary