Салат айсберг, які падавалі ў буйной сетцы хуткага харчавання Taco Bell, аказаўся небяспечным для здароўя. Паводле амерыканскіх органаў аховы здароўя, у пяці штатах ён стаў прычынай успышкі паразітарнага захворвання — цыкласпарыязу.
Паразіт называецца Cyclospora cayetanensis і выклікае моцную дыярэю, піша Bild.
Лічыцца даказаным, што ў штатах Індыяна, Кентукі, Мічыган, Агаё і Заходняя Вірджынія прычынай масавай дыярэі стаў менавіта салат Taco Bell.
Сетку хуткага харчавання забяспечвае прадукцыяй кампанія Taylor Fresh Foods з Салінаса, штат Каліфорнія. Пастаўшчык прызнаў, што тэсты Упраўлення па санітарным наглядзе за якасцю харчовых прадуктаў і Цэнтра па кантролі і прафілактыцы захворванняў «паказваюць на канкрэтнае незалежнае сельскагаспадарчае прадпрыемства», звязанае з кампаніяй.
Хоць у заяве адзначалася, што кампанія «глыбока занепакоеная» лёсам тых, хто захварэў, гэта не першая буйная ўспышка дыярэі, якую звязваюць з Taylor Fresh Foods.
Акрамя салатаў і манга, у 2024 годзе заражанай аказалася цыбуля ў McDonald’s: тады праз распаўсюджванне кішачнай палачкі ў 14 штатах адзін чалавек памёр.
Тым часам Taco Bell паабяцала часова не выкарыстоўваць зеляніну ад гэтага пастаўшчыка з Мексікі.
Сітуацыя набыла сур’ёзны маштаб: толькі ў штаце Мічыган, які стаў эпіцэнтрам успышкі, зарэгістравана больш за пяць тысяч выпадкаў захворвання. Больш за сто чалавек давялося шпіталізаваць.
Cyclospora cayetanensis, як правіла, не перадаецца ад чалавека да чалавека, а распаўсюджваецца праз прадукты харчавання або ваду і паражае тонкі кішэчнік.
Успышкі цыкласпарыязу ў ЗША часцей за ўсё адбываюцца летам.
-
Вэнс пачаў дыстанцыявацца ад Трампа пасля паразы рэспубліканцаў на выбарах і прасоўвае ўласны брэнд з прыцэлам на 2028 год
-
Параненых у Кракаве паліцыянтаў выратавалі два вядомыя хірургі: яны абедалі побач і кінуліся на дапамогу
-
Газ у Еўропе падаражэў утрая. Высокія рахункі могуць застацца яшчэ на некалькі гадоў
Цяпер чытаюць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку37
Каментары