Паводле звестак аналітычнай кампаніі EA Analytics, у ліпені аб'ёмы перапрацоўкі нафты на расійскіх нафтаперапрацоўчых заводах скараціліся да самага нізкага ўзроўню з 2005 года. У першыя тыдні месяца прадпрыемствы перапрацоўвалі каля 3,91 мільёна бараляў нафты за суткі, што менш, чым у папярэднія месяцы, і значна ніжэй за паказчыкі пачатку года, піша Bloomberg.
У параўнанні з ліпенем мінулага года аб'ёмы перапрацоўкі зменшыліся прыкладна на чвэрць, а ў параўнанні з 2021 годам — амаль на траціну.
За апошнія сто дзён украінскія беспілотнікі каля пяцідзесяці разоў атакавалі расійскія нафтаперапрацоўчыя заводы. Пад ударамі апынуліся не менш як 24 з 34 найбуйнейшых прадпрыемстваў, у тым ліку заводы ў цэнтральнай частцы Расіі і за Уралам. Сярод іх — Омскі НПЗ, які знаходзіцца за некалькі тысяч кіламетраў ад украінскай мяжы.
Аналітыкі Energy Intelligence ацэньваюць цяперашнія аб'ёмы перапрацоўкі яшчэ ніжэй — каля 3,58 мільёна бараляў за суткі, што можа быць самым нізкім паказчыкам як мінімум з 2002 года. Паводле іх ацэнак, цяпер не працуюць вытворчыя магутнасці, здольныя перапрацоўваць каля 3,1 мільёна бараляў нафты ў суткі, і пакуль невядома, калі іх удасца аднавіць.
Акрамя Омскага нафтаперапрацоўчага завода, спыніў працу і завод «Танека» ў татарстанскім Ніжнякамску, які таксама ўваходзіць у лік найбуйнейшых у Расіі. Паводле ацэнак Energy Intelligence, дэфіцыт нафтапрадуктаў у краіне цяпер складае ад 400 да 600 тысяч тон у месяц. Пастаўкі з Беларусі і Казахстана могуць пакрыць толькі частку гэтага недахопу.
Паводле даных кампаніі Kpler, у Расію ўжо накіроўваюцца танкеры з бензінам з Індыі. Таксама паведамляецца пра невялікія пастаўкі бензіну з Кітая, які дастаўляецца аўтацыстэрнамі ў рэгіёны Далёкага Усходу.
Расія чатыры гады біла па ўкраінскіх ЦЭЦ і НПЗ, а цяпер называе ўкраінскія ўдары па іх «тэрарызмам»
Чаму Крэмль не здольны спыніць паліўны крызіс у Маскве нават цаной татальнага дэфіцыту ў рэгіёнах
Атака на НПЗ у Маскве — як «найлепшая СПА ў Расіі» прапусціла ўдар па сталіцы?
Пуцін паабяцаў адказваць на ўкраінскія ўдары па Расіі «ў некалькі разоў мацней»
Каментары