«У гэтым абсалютна відавочная тэрарыстычная праява кіеўскага рэжыму», — заявіў Дзмітрый Пяскоў.
«Удары кіеўскага рэжыму па тэрыторыі Расіі носяць тэрарыстычны характар. Аб'екты энергетыкі і цывільнай інфраструктуры, якія трапляюць пад атакі, не маюць дачынення да вайсковай прамысловасці», — заявіў прэс-сакратар прэзідэнта Расіі Дзмітрый Пяскоў у інтэрв'ю тэлеканалу «Россія».
«Кіеўскі рэжым наносіць удары па аб'ектах нашага энергетычнага комплексу, па аб'ектах цывільнай інфраструктуры, якая, уласна, да вайсковага комплексу, да ВПК не мае ніякага дачынення. У гэтым абсалютна відавочная тэрарыстычная праява кіеўскага рэжыму».
УСУ павялічылі колькасць удараў па цывільных аб'ектах праз пагаршэнне становішча на фронце, лічыць Пяскоў.
У той жа час Расія ўсю зіму 2025—2026 гадоў наносіла ракетна-дронавыя ўдары па цеплаэлектрацэнтралях Украіны і аб'ектах электрасетак, у спадзяванні замарозіць гарады. Удары ж па нафтаперапрацоўчых заводах Украіны наносіліся ад 2022 года.
Украіна распачала аналагічную кампанію з вясны 2026, у выніку чаго ў Расіі ўзнік востры дэфіцыт паліва.
На відэа ніжэй — палае нафтаперапрацоўчы завод у Капотні пад Масквою.
Цяпер чытаюць
Гэты беларус даследуе рак — вось што ён кажа пра SPF ад меланомы, навуковы прагрэс і самы складаны ў лячэнні рак3
Каментары