Zialenski prapanavaŭ novuju pasadu byłomu ministru abarony, ale toj admoviŭsia
Prezident Ukrainy prapanavaŭ Michaiłu Fiodaravu stać svaim daradcam. Pra heta apošni zajaviŭ siońnia padčas bryfinhu, piša RBK-Ukraina.
«Zialenski prapanoŭvaŭ mnie zastacca jaho daradcam, ale ja admoviŭsia», — skazaŭ Fiodaraŭ.
Siońnia Michaił Fiodaraŭ pravioŭ bryfinh dla ŚMI, na jakim raskazaŭ pra svaju pracu na pasadzie ministra abarony i płany viedamstva. Taksama jon prakamientavaŭ čutki pra svajo adchileńnie ad pasady, z-za jakich siońnia va Ukrainie adbylisia šmatlikija mitynhi.
Pavodle jaho słoŭ, jon užo pravioŭ telefonnuju razmovu z prezidentam, a paźniej na siońnia ŭ jaho zapłanavanaja jašče adna sustreča z Uładzimiram Zialenskim.
«Ludzi vyjšli nie za Fiodarava, a za siabie. Zaraz havorka nie pra mianie. Havorka idzie pra korań prablemy, jakuju treba vyrašyć. U takoj kanstrukcyi pieramahčy niemahčyma», — prakamientavaŭ jon siońniašnija pratesty ŭ krainie, kali ludzi ŭ roznych haradach vyjšli ŭ jaho padtrymku.
Paśla adstaŭki Fiodarava z pasady ab zvalnieńni taksama zajaviŭ namieśnik kamandujučaha Pavietranymi siłami Ukrainy Pavieł Jelizaraŭ. Jon nazvaŭ rašeńnie ab adchileńni Fiodarava «absalutnym złom» dla krainy.
U Jeŭrapiejskim sajuzie taksama zapatrabavali ad Zialenskaha tłumačeńniaŭ nakont adstaŭki Fiodarava. U pryvatnaści, jeŭrakamisar pa pytańniach abarony Andrus Kubilus zajaviŭ, što Fiodaraŭ adpaviadaje hetaj pasadzie.
Kamientary
Srač?? Heta jak dakładna ale strymana
Fiodaraŭ adkazał
Havorka idzie pra korań prablemy, jakuju treba vyrašyć. U takoj kanstrukcyi niemahčyma pieramahčy
U čym " korań" i čyja kanstrukcyja proźvišča viadoma .
Niezrazumieła jak hetaha " kornia" pryvieści da ciamy ci vydalić.
Pa inšamu dakładna " u padobnaj kanstrukcyi Pieramoha niemahčyma" ..
PS
Ni patrebna rabić nam ź jaho chieroja za apošnija 7 hadoŭ u " cyfravika" šmat jość u šafie
Dźla Biełarusi biełarusaŭ padobnyja padziei v Ukrainie i pa vialikamu rachunku Vajna tolki apasrodkavana upłyvaje na budučyja źmieny v Biełarusi...
I voś dziŭnym čynam na Alimpie źjaviŭsia čałaviek, jaki pakazaŭ, dakazaŭ i zajaviŭ ŭhołas pra "korań prablemy".