Da finału čempijanatu śvietu ŭ Varšavie ładziać vialiki biełaruski futbolny fest
Viadomyja spartyŭnyja žurnalisty Alaksandr Ivulin i Jarasłaŭ Pisarenka 19 lipienia, u dzień praviadzieńnia finalnaha matča čempijanatu śvietu, zaprašajuć biełarusaŭ pravieści hety dzień razam.
«19 lipienia budziem nie tolki hladzieć finał na troch vializarnych ekranach. Akramia hetaha, zładzim turniry pa kikiery i FC26 na PlayStation, a taksama niekalki krutych dabračynnych rozyhryšaŭ z kłasnymi padarunkami.
Dzietak taksama biarycie z saboj (da 14 hadoŭ uvachod volny) — dla ich buduć pracavać zabaŭlalnyja zony.
U košt kvitka ŭžo ŭklučany bakał piva ci biezałkaholny napoj, a taksama pačastunak ad Burgerlab — kab futbolčyk hladzieŭsia jašče lepš. I nie chvalujciesia: hałodnym nichto nie zastaniecca, bo na placoŭcy budzie pracavać fud-kort z pryjemnymi koštami dla našych hościkaŭ», — pišuć arhanizatary mierapryjemstva.
Jaho prahrama:
- 17:00 — adkryćcio dźviarej;
- 17:40 — razhony pra čempijanat śvietu z topavymi ekśpiertami;
- 18:50 — futbolny kviz ad Bernard Show z krutymi padarunkami;
- 20:30 — pačatak prahladu finału ź biełaruskim kamientarom Alaksandra Ivulina i Jarasłava Pisarenki.
Košt kvitka — 130 złotych, nabyć ich možna tut.
Miesca praviadzieńnia — Loft 44 (Powązkowska 44).
Ciapier čytajuć
U Minsku masažyst Andrej tajemna zdymaŭ hołych klijentak12
Kamientary