«Urad Kitaja chacieŭ, kab ja prajhraŭ vybary 2020 hoda, bo ja ŭvioŭ suprać ich mytnyja taryfy», — śćviardžaje prezident ZŠA.
Kitaj atrymaŭ niesankcyjanavany dostup da danych 220 miljonaŭ vybarščykaŭ, zajaviŭ prezident Donald Tramp u zvarocie da nacyi.
«Danyja dziasiatkaŭ miljonaŭ vybarščykaŭ u 18 štatach byli nabytyja, skradzienyja abo vykradzienyja Kitajem u vyniku chakierskich atak», — skazaŭ Tramp. Jany ŭklučajuć imiony, adrasy, numary telefonaŭ, partyjnuju prynaležnaść i inšuju kanfidencyjnuju infarmacyju, nieabchodnuju dla rehistracyi na vybarach.
U 2018 hodzie Kitaj raspačaŭ kroki, kab paŭpłyvać na vyniki pramiežkavych vybaraŭ u ZŠA, a paźniej — na prezidenckija vybary 2020 hoda.
«Urad Kitaja chacieŭ, kab ja prajhraŭ vybary 2020 hoda, bo ja ŭvioŭ suprać ich mytnyja taryfy», — śćviardžaje Tramp.
Amierykanski lidar abvinavaciŭ śpiecsłužby va ŭtojvańni hetaj infarmacyi. Jon zapatrabavaŭ ad nacyjanalnaj raźviedki, Ministerstva justycyi, FBR i CRU rasśledavać, «jak i čamu była schavanaja takaja važnaja infarmacyja», zvolnić asob, datyčnych da jaje ŭtojvańnia, i raspačać suprać ich kryminalnyja spravy, kali dla hetaha jość padstavy.
U pasolstvie Kitaja ŭ Vašynhtonie zajavili, što Piekin «nikoli nie ŭmiešvaŭsia i nie budzie ŭmiešvacca ŭ prezidenckija vybary ŭ ZŠA», paviedamlaje Reuters.
Ciapier čytajuć
Vyjšaŭ na svabodu vybitny chirurh Andrej Lubiecki11
Vyjšaŭ na svabodu vybitny chirurh Andrej Lubiecki
Unikalnyja zdymki budaŭnictva Staroha mosta ŭ Hrodnie. Chto fatahrafavaŭ niebiaśpiečnyja kiesony, u jakich ludzi ryzykavali na dnie Niomana, kab pastavić apory? ŠMAT FOTA77
Kamientary
Aha, hety chitrecki płan Kitaja zdieśniŭsia, kab paśla abiedzaje pałaty padkantrlnyja respublikancam na čale z hetym baryhaj, tak sama viarchoŭny sud (častka čalcoŭ jakoho prychnačana hetym ža baryhaj), admianili hetyja myty k kibieni maciary.
Łohiku jamu, vidać niechta z kramleŭskich vykładaŭ.