Azaronak raskazaŭ, jak pavinien byŭ jechać u adnoj mašynie z Darjaj Duhinaj, ale nie zrasłosia
Łukašysckaha prapahandysta Ryhora Azaronka zaprasili ŭ rasijskuju Z-prahramu «Bunkier na Łubiancy», u efiry jakoj jon raskazaŭ pra toje, što nibyta ŭ žniŭni 2022 hoda pavinien byŭ pryjechać na padmaskoŭny fiestyval «Tradycyja» i jechać u adnoj mašynie z zahinułaj u vyniku vybuchu dačkoj Alaksandra Duhina Darjaj.
Azaronak uspaminaje, što paznajomiŭsia z Darjaj Duhinaj padčas adnoj sa svaich šmatlikich pajezdak na akupavanyja Rasijaj ukrainskija terytoryi.
«Ja pabačyŭ jaje, jana supravadžała zamiežnych žurnalistaŭ. Jana supravadžała niejkich francuzaŭ, italjancaŭ, turkaŭ, i havaryła na ŭsich hetych movach… Ja padumaŭ — jakaja pryhožaja francužanka, jak jaje siudy zaniesła. A paśla akazałasia — ruskaja dziaŭčynka».
Paśla jon z Duhinaj razhavaryŭsia i paznajomiŭsia, prytym akazałasia, što ichnija baćki byli znajomyja z 1990‑ch hadoŭ, bo «Duhin i Limonaŭ pryjazdžali ŭ Biełaruś arhanizoŭvać vulicu suprać nacyjanalistaŭ», a baćka Ryhora, Juryj Azaronak, jak viadoma, tady taksama byŭ adnym ź viadučych łukašenkaŭskich prapahandystaŭ, jaki stajaŭ na vyrazna prarasijskich pazicyjach.
«My tak syšlisia, niekalki miesiacaŭ kamunikavali, i jana mianie klikała na fiestyval «Tradycyja» ŭ 2022 hodzie, jaki adbyŭsia 18‑19 žniŭnia, vielmi dobra heta pamiataju. A ja adpraviŭsia ŭ Enierhadar, tamu što tam bili pa Zaparožskaj AES. […] Daša mianie klikała, zrazumieła, u jakoj ja mašynie jeździŭ by. Takaja trahičnaja historyja, i da hetaj pary jana mianie nie adpuskaje», — zajaviŭ Azaronak.
Darja Duhina (Płatonava) — palityčnaja ahladalnica, dačka rasijskaha fiłosafa Alaksandra Duhina, adnaho z hałoŭnych ideołahaŭ «ruskaha śvietu», «jeŭrazijstva» i rasijskaha impieryjalizmu, jaki aktyŭna vystupaje za vajnu.
Duhina zahinuła 20 žniŭnia 2022 hoda ŭ vyniku padryvu aŭtamabila ŭ Padmaskoŭi, jakim jana kiravała. Nieviadoma, ci była mišeńniu jana sama abo ŭsio ž jaje baćka, jaki nie pajechaŭ ź joj, u apošni momant čamuści pierasieŭšy ŭ inšuju mašynu.
U 2023 hodzie byŭ apublikavany dziońnik Duhinaj «Topi i vysi majho serca. Dziońnik», u jakim jość zhadki i pra Ryhora Azaronka.
«I ja pacałuju tabie ruku, kali buduć kurčycca Fukujama, Levi i Kisindžer». Jak Azaronak flirtavaŭ z Duhinaj
Zabojstvy Darji Duhinaj i Uładlena Tatarskaha raskryli pry dapamozie štučnaha intelektu — SK Rasii
Va ŭciečkach ZŠA raskryvajecca infarmacyja ab mierkavanych arhanizatarach zabojstva Darji Duhinaj
Azaronak skłaŭ biełaruski «śpis Duhinaj»
«Duhin mieŭ jechać na hetaj mašynie, ale sieŭ u inšuju». Uzarvali dačku ideołaha rasijskaha impieryjalizmu Duhina
Zachad, Ukraina, Kreml, Łukašenka? Chto moža stajać za zabojstvam Darji Duhinaj?
Łatvija «pa techničnych pryčynach» zakryła miažu ź Biełaruśsiu12
Kamientary