«Duhin mieŭ jechać na hetaj mašynie, ale sieŭ u inšuju». Uzarvali dačku ideołaha rasijskaha impieryjalizmu Duhina
U Padmaskoŭi ŭzarvali džyp Darji Duhinaj — dački Alaksandra Duhina, fiłosafa-nieanacysta, ideołaha rasijskaha impieryjalizmu. Znajomyja siamji pišuć, što ŭ mašynie pavinien byŭ jechać i sam Duhin.
Pa papiarednich źviestkach, dziaŭčyna zahinuła na miescy. Ale aficyjnaha paćviardžeńnia niama.
Vybuch u Land Cruiser Prado adbyŭsia na Mažajskaj šašy padčas ruchu.
Skrypač Piotr Łundstrem paviedamiŭ, što Darja Duhina razam z baćkam vystupała na patryjatyčnym fiestyvali «Tradycyja» ŭ padmaskoŭnaj siadzibie Zacharava.
«Duhin mieŭ jechać na hetaj mašynie, ale sieŭ u inšuju», — napisaŭ muzyka.
Alaksandra Duhina ličać ideołaham tak zvanaha «ruskaha śvietu», rašyzmu. Z 2014 hoda ŭniesieny ŭ sankcyjny śpis Jeŭrasajuza, a z 2015 hoda i ŭ sankcyjny śpis ZŠA i Kanady.
Darja Duhina zajmałasia žurnalistykaj, fiłasofijaj i palitałohijaj, u lipieni 2022 hoda była ŭklučana ŭ sankcyjnyja śpisy Vialikabrytanii.
-
Pucin zajaviŭ, što zamiest kiraŭnika CRU achvotniej budzie pieramaŭlacca z Uitkafam i Kušnieram
-
Pašynian zajaviŭ, što Armienija nie budzie pravodzić refierendum ab siabroŭstvie ŭ ES
-
Nivodzin z novych spadarožnikaŭ, jakija prezientujucca jak rasijski anałah Starlink, pakul nie vyjšaŭ na naležnuju arbitu
Kamientary