Razvarotnaha kalca dyśpietčarskaj stancyi «Voziera» bolš niama, ciapier tramvai dajazdžajuć tolki da Minskaha dziaržaŭnaha pałaca dziaciej i moładzi, dzie ŭžo pabudavana novaje kalco.
Jašče treba dobraŭparadkavać prylehłuju terytoryju, ale źmieny ŭ maršrutach hetaha vidu hramadskaha transpartu ŭžo ŭniesieny, piša Onliner.by.
Tak, tramvajnyja maršruty №3 i №5 ciapier kursujuć ad praśpiekta Mašerava pa vulicy Daŭmana i Staravilenskim trakcie da novaha razvarotnaha kalca. Maršrut №3 ciapier nazyvajecca «DS «Sierabranka» — Pałac dziaciej i moładzi», a maršrut №5 — «DS «Zialony Łuh» — Pałac dziaciej i moładzi». Praca tramvajnaha maršrutu №4 spynienaja.
Adnačasova, kab zabiaśpiečyć transpartnaje absłuhoŭvańnie Staravilenskaha trakta i ŭ suviazi sa skasavańniem maršrutu №4, z 16 lipienia štodnia, časova, da zaviaršeńnia rabot pa dobraŭparadkavańni razvarotnaha kalca na vulicy Novavilenskaj, arhanizavany novy haradski aŭtobusny maršrut №263 «AV «Centralny» — DS «Voziera».
Taksama ŭ «Minsktransie» papiaredzili, što ŭ suviazi z adsutnaściu dobraŭparadkavanych placovak z 16 lipienia dla tramvajnych maršrutaŭ №3 i №5 skasoŭvajecca pasadka i vysadka pasažyraŭ na prypynku «Pałac dziaciej i moładzi». Kancavym prypynkam dla hetych maršrutaŭ ciapier budzie «Piarespa».
Jak ciapier vyhladaje razvarotnaje kalco?
Placoŭka pa-raniejšamu aharodžanaja płotam, ale novaje kalco ŭžo funkcyjanuje.
Aŭtamabilny prajezd da pasolstva Irana pakul nie dobraŭparadkavany, adnak pobač arhanizavany časovy (vierahodna) prajezd.
Źmianiŭsia i Staravilenski trakt. Tam jašče ŭstalavanyja časovyja darožnyja znaki, dla ruchu adkrytaja tolki pałova prajeznaj častki (pa adnoj pałasie ŭ kožnym kirunku), ale ŭžo ŭstanoŭleny novyja lichtary i zroblena raździalalnaja pałasa.
Kamientary