Разваротнага кальца дыспетчарскай станцыі «Возера» больш няма, цяпер трамваі даязджаюць толькі да Мінскага дзяржаўнага палаца дзяцей і моладзі, дзе ўжо пабудавана новае кальцо.
Яшчэ трэба добраўпарадкаваць прылеглую тэрыторыю, але змены ў маршрутах гэтага віду грамадскага транспарту ўжо ўнесены, піша Onliner.by.
Так, трамвайныя маршруты №3 і №5 цяпер курсуюць ад праспекта Машэрава па вуліцы Даўмана і Старавіленскім тракце да новага разваротнага кальца. Маршрут №3 цяпер называецца «ДС «Серабранка» — Палац дзяцей і моладзі», а маршрут №5 — «ДС «Зялёны Луг» — Палац дзяцей і моладзі». Праца трамвайнага маршруту №4 спыненая.
Адначасова, каб забяспечыць транспартнае абслугоўванне Старавіленскага тракта і ў сувязі са скасаваннем маршруту №4, з 16 ліпеня штодня, часова, да завяршэння работ па добраўпарадкаванні разваротнага кальца на вуліцы Новавіленскай, арганізаваны новы гарадскі аўтобусны маршрут №263 «АВ «Цэнтральны» — ДС «Возера».
Таксама ў «Мінсктрансе» папярэдзілі, што ў сувязі з адсутнасцю добраўпарадкаваных пляцовак з 16 ліпеня для трамвайных маршрутаў №3 і №5 скасоўваецца пасадка і высадка пасажыраў на прыпынку «Палац дзяцей і моладзі». Канцавым прыпынкам для гэтых маршрутаў цяпер будзе «Пярэспа».
Як цяпер выглядае разваротнае кальцо?
Пляцоўка па-ранейшаму агароджаная плотам, але новае кальцо ўжо функцыянуе.
Аўтамабільны праезд да пасольства Ірана пакуль не добраўпарадкаваны, аднак побач арганізаваны часовы (верагодна) праезд.
Змяніўся і Старавіленскі тракт. Там яшчэ ўсталяваныя часовыя дарожныя знакі, для руху адкрытая толькі палова праезнай часткі (па адной паласе ў кожным кірунку), але ўжо ўстаноўлены новыя ліхтары і зроблена раздзяляльная паласа.
Цяпер чытаюць
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек2
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2323
Каментары