«My byli častkaj SSSR, respublikaj, tak, ale biaspraŭnaj».
Prezident Azierbajdžana Ilcham Alijeŭ zajaviŭ, što razhladaje znachodžańnie respubliki ŭ składzie Rasijskaj impieryi i SSSR jak kałanijalny pieryjad, piša Moscow Times.
«My byli kałanizavanyja ŭ XIX stahodździ. Potym znachodzilisia ŭ składzie Savieckaha Sajuza, dzie nie mieli niezaležnaści. My byli častkaj SSSR, respublikaj, tak, ale biaspraŭnaj. U našaj histaryčnaj pamiaci zachavałasia razumieńnie taho, što značyć być kałonijaj, a potym stać svabodnaj dziaržavaj», — skazaŭ Alijeŭ na IV Šušynskim hłabalnym miedyjaforumie.
Pavodle jaho słoŭ, u savieckija hady z Azierbajdžana «vyvozilisia miljardy ton nafty», adnak paśla raspadu SSSR kraina sutyknułasia z deficytam elektraenierhii i dahetul vymušana likvidavać ekałahičnuju škodu, naniesienuju intensiŭnaj zdabyčaj nafty.
Alijeŭ taksama adznačyŭ, što paśla 1991 hoda mnohija ŭ Rasii pradkazvali chutki krach byłych sajuznych respublik, spasyłajučysia na ich niazdolnaść samastojna zabiaśpiečvać siabie, adnak hetyja prahnozy nie spraŭdzilisia.
«Usie jany žyvuć narmalnym žyćciom», — skazaŭ jon, dadaŭšy, što sam Azierbajdžan za 30 hadoŭ niezaležnaści pieratvaryŭsia ŭ «siaredniuju dziaržavu».
Adkazvajučy na pytańnie pra Ukrainu, Alijeŭ znoŭ paŭtaryŭ, što jana nie pavinna zhadžacca na akupacyju, i padkreśliŭ, što Azierbajdžan niaźmienna padtrymlivaje jaje terytaryjalnuju cełasnaść.
Padobnyja acenki savieckaha pieryjadu Alijeŭ vykazvaje nie ŭpieršyniu. Raniej jon nazyvaŭ uvachodžańnie Azierbajdžana ŭ skład SSSR vynikam akupacyi i śćviardžaŭ, što heta pieraškodziła respublicy stać paŭnavartasnaj demakratyčnaj dziaržavaj.
Pry hetym u savieckija hady Azierbajdžanskuju SSR doŭhi čas uznačalvaŭ baćka ciapierašniaha prezidenta Hiejdar Alijeŭ: z 1969 da 1982 hoda jon byŭ pieršym sakratarom CK Kampartyi respubliki, a zatym da 1987 hoda zajmaŭ pasadu pieršaha namieśnika staršyni Savieta Ministraŭ SSSR.
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Kamientary
Całkam adroźnivajecca ad kałonii makurtastana łuki dzie mankurt łuka nie maje ŭłasnaj historyi, a padviedziena ŭsie pad patreby i pohlady mackvy.