Z aŭkcyjona Sotheby's pradali saviecki ściah, jaki pabyvaŭ na Miesiacy
Minijaciurny saviecki ściah, jaki ŭ 1969 hodzie pabyvaŭ na Miesiacy padčas misii «Apałon-11», byŭ pradadzieny na aŭkcyjonie Sotheby's za 80 tysiač dalaraŭ.
Čyrvonaje pałotnišča pamieram 10 na 15 santymietraŭ uziaŭ z saboj u histaryčny palot amierykanski astranaŭt Baz Ołdryn. Mienavita jon razam ź Niłam Armstranham udzielničaŭ u pieršaj u historyi vysadcy čałavieka na Miesiac.
Padčas tarhoŭ ściah byŭ pradadzieny za 80 tysiač dalaraŭ. Z ulikam aŭkcyjonnaha zboru kančatkovaja suma pakupki skłała 102,4 tysiačy dołaraŭ.
U pravym vierchnim kucie ściaha siniaj ručkaj zrobleny nadpis: «Dastaŭleny na Miesiac na «Apałonie-11», pobač znachodzicca asabisty podpis Baza Ołdryna. Da łota taksama prykładałasia harantyjnaje piśmo ad astranaŭta, u jakim jon paćvierdziŭ, što ściah sapraŭdy znachodziŭsia na borcie kamandnaha modula «Kałumbija» padčas pieršaj miesiacovaj ekśpiedycyi.
Pa słovach pradstaŭnikoŭ aŭkcyjonnaha doma Sotheby's, Ołdryn uziaŭ z saboj saviecki ściah jak simvaličny žest dobraj voli. Takim čynam jon chacieŭ padkreślić, što pieršaja vysadka čałavieka na Miesiac była dasiahnieńniem nie tolki Złučanych Štataŭ, ale i ŭsiaho čałaviectva, niezaležna ad palityčnych i ideałahičnych supiarečnaściaŭ pamiž dziaržavami.
NASA šukaje dobraachvotnikaŭ dla prahramy teściravańnia žyćcia na Miesiacy i Marsie
NASA nazvała imiony členaŭ ekipaža misii «Artemida-3» — čarhovaha etapu na šlachu da vysadki na Miesiac
Rakieta Blue Origin, što vybuchnuła padčas vyprabavańniaŭ, stavić pad sumnieńnie płany NASA viarnucca na Miesiac
Rakieta Blue Origin miljardera Džefa Biezasa vybuchnuła na starcie
Ciapier čytajuć
Staŭ viadomy dakładny adras, pa jakim žyvie Anžalika Mielnikava ŭ Minsku24
Staŭ viadomy dakładny adras, pa jakim žyvie Anžalika Mielnikava ŭ Minsku
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1212
Kamientary