46‑hadovy pravaabaronca Siarhiej Uścinaŭ šakavaŭ sacsietki svaimi zdymkami ŭ žanočym abliččy
Adzin ź lidaraŭ «Pravavoj inicyjatyvy» Siarhiej Uścinaŭ apošnim časam ździŭlaje znajomych svaim novym imidžam — mužčyna ekśpierymientuje z makijažam, manikiuram, parykami i sukienkami pad karunkavyja pančochi i abcasy.
Fotazdymkami i videa ŭ žanočych, pikantnych vobrazach Siarhiej aktyŭna dzielicca ŭ svaich sacsietkach. Z čym ža źviazanyja takija pieramieny?
Siarhiej Uścinaŭ — biełaruski pravaabaronca, ekśpiert u vobłaści zmahańnia z katavańniami, adzin sa stvaralnikaŭ Mižnarodnaha kamiteta pa rasśledavańni katavańniaŭ u Biełarusi, adzin ź lidaraŭ pravaabarončaj arhanizacyi «Pravavaja inicyjatyva». U 2021 hodzie źjechaŭ ź Biełarusi. Žanaty, vychoŭvaje z žonkaj kata i sabaku, zajmajecca vyroščvańniem zielaniny, pra što raskazvaje ŭ asobnym błohu «Ahrašaniec».
Sam Siarhiej tłumačyć heta tym, što časam adčuvaje siabie pa-žanocku i daje hetaj svajoj častcy prajaŭlacca.
Dla pieraapranańniaŭ mužčyny ŭ žančynu i naadvarot isnuje śpiecyjalny termin — krosdresinh. Mužčyn-krosdresieraŭ jašče možna nazvać fiembojami — tymi, chto śviadoma addaje pieravahu vyhladać i pavodzić siabie pa-žanocku, zachoŭvajučy svaju mužčynskuju hiendarnuju identyčnaść.
Spačatku mužčyna pasprabavaŭ farbavacca, potym dadaŭ u harderob spadnicy, acaniŭšy ich zručnaść u ciopły siezon.
«Ja ŭžo ŭ takim uzroście, što mahu vyhladać, jak chaču, nasić, što ja chaču, pazicyjanavać i adčuvać siabie, jak chaču. A kali ŭ vas niama svajho asabistaha žyćcia… Nu, zajmiciesia im narešcie, — adkazvaje Siarhiej. — Ja prosta pačaŭ žyć tak, jak zaŭsiody chacieŭ. Kamuści heta padabajecca, kamuści — nie, inšych heta razdražniaje. Mnie plavać».
Ciapier jon dadaŭ u svaju rucinu i nieviadomyja raniej bjuci-pracedury: epilacyju i manikiur. Usio heta — kab dasiahnuć taho, što jamu zdajecca pryhožym i fizična daskanałym.
Na šlachu spaznańnia novaha siabie Siarhiej vybačyŭsia pierad usimi žančynami, jakich raniej moh abvinavačvać u spaźnieńniach — ciapier jon ich zrazumieŭ:
«Prosta padvieści vočy akuratna heta kapiec jak šmat času zajmaje».
-
Dzikija koni ŭ Vałožynskim rajonie chavajucca ad śpioki na aŭtobusnym prypynku VIDEA
-
«U kožnaha svaja darožka». Videa ź junakom, jaki pajechaŭ na prapołku bulby pad Mazyrom, stała miemam
-
Ź bienzinam biada, a jeli na bardziury: byłaja frystajlistka Asol Śliviec z čatyrma dziećmi viartajecca z adpačynku ŭ Rasii
Kamientary
Bolš dziŭna što ludzi na sabalenku pajšli