Redaktara niezaležnaj baranavickaj haziety «Inteks-Pres» Janukieviča prysudzili da 14 hadoŭ kałonii, jaho namieśnika Pakalenku — da 12 hadoŭ
Im inkryminavali zdradu dziaržavie, piša Biełaruskaja asacyjacyja žurnalistaŭ.
U Bresckim abłasnym sudzie 26 lutaha byŭ ahučany prysud byłym kiraŭnikam baranavickaha navinavaha partała BAR24, a raniej — niezaležnaj haziety Intex-Press, Uładzimiru Janukieviču i Andreju Pakalenku.
Sudovy praces nad miedyjamieniedžarami raspačaŭsia 3 lutaha 2026 hoda i prachodziŭ u zakrytym režymie.
Abodvuch abvinavacili ŭ «zdradzie dziaržavie» (art. 356). Uładzimiru Janukieviču sud pryznačyŭ 14 hadoŭ pazbaŭleńnia voli i 3000 bazavych adzinak (135 tysiačaŭ rubloŭ) štrafu na karyść dziaržavy, Andreju Pakalenku — 12 hadoŭ i 1000 bazavych adzinak (45 tysiačaŭ rubloŭ) štrafu. Taksama jość infarmacyja pra vializnaje ahulnaje spahnańnie sumaj kala 200 tysiačaŭ rubloŭ.
Sutnaść abvinavačańnia nieviadomaja.
Uładzimiru Janukieviču 65 hadoŭ. Jon byŭ dyrektaram i hałoŭnym redaktaram najbujniejšaj niezaležnaj rehijanalnaj haziety Intex-Press. 44‑hadovy Andrej Pakalenka pracavaŭ tam ža namieśnikam dyrektara pa raźvićci. Paśla taho, jak vydańnie było źlikvidavanaje, jany razam z kamandaj stvaryli navinavy sajt BAR24 (bar24.by).
U śniežni 2024 hoda supracoŭnikaŭ novaha haradskoha partała zatrymali. U ich žylli, a taksama ŭ redakcyi siłaviki praviali pieratrusy, zabrali techniku. Niekalkich čałaviek adpuścili, a suprać šaści zatrymanych, jakich źmiaścili ŭ SIZA, pa rasparadžeńni Bresckaj prakuratury zaviali kryminalnyja spravy ŭ miežach art. 361—4 KK RB («Sadziejničańnie ekstremisckaj dziejnaści»).
Sajt BAR24 apošni raz abnaŭlaŭsia 8 śniežnia 2024 hoda. Z 13 studzienia 2025 hoda jon pierastaŭ adkryvacca.
11 listapada 2025 hoda imiony čatyroch asudžanych supracoŭnikaŭ BAR24, stvoranaha kamandaj kolišniaha Intex-Press Natalli Siemianovič, Mikity Piatroŭskaha, Rusłana Raviaki i Ludmiły Zielańkovaj byli dadadzienyja da «Pieraliku asobaŭ, datyčnych da «ekstremisckaj» dziejnaści, jaki składaje MUS Biełarusi. Usie čaćviora byli asudžanyja da chatniaj chimii.
Redakcyja Intex-press sutyknułasia z prablemami ŭ pracy paśla prezidenckich vybaraŭ 2020 hoda.
-
Pasolstva Polščy ŭ Minsku źmianiaje praviły pryjomu dakumientaŭ na kartu palaka
-
Słavienija zapłacić biełarusu amal 100 tysiač jeŭra za toje, što na jaho naviali pistalet pry zatrymańni, a paśla pratrymali hod za kratami
-
«Pahroza biaśpiecy kaleh». Zazulinskaja patłumačyła, čamu ŭ «Jeŭrapiejskim vybary» pierastali daviarać Mamajevaj
Ciapier čytajuć
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami9191
Kamientary
Za ozvučiennuju pravdu o skotnom dvorie i jeho rasporiaditiele, dajut sroki bolšije, čiem za umyšlennoje ubijstvo.....