Vyciažka ruchnuła źvierchu na pryparkavany ŭ minskim dvary Ford Fiesta. Vybiła šyby i, vierahodna, paškodziła kuzaŭ i łakafarbavaje pakryćcio.
Zdaryłasia heta 13 žniŭnia ŭ dvary doma №41 pa vulicy Uljanaŭskaj, pobač z domam №19 pa vulicy Babrujskaj u centry stalicy, piša Onliner.by.
Aŭtamabil byŭ pryparkavany, ludziej pablizu nie było — i dobra, što nie było! Bo častka vyciažki — taki blašany korab— sarvałasia i ruchnuła z vyšyni na mašynu.
— Pravodzilisia budaŭniča-mantažnyja raboty prakładvańnia vientylacyi, — raskazaŭ čytač.
Vidavočna, niešta pajšło nie pa płanie. Nichto nie paciarpieŭ, ale mašyna atrymała vidavočnyja paškodžańni. Na miesca vyklikali milicyju.
Pavodle słoŭ surazmoŭcy, usio zapratakalavali, a ŭładalniku aŭtamabila paviedamili, što budzie pravodzicca pravierka.
Źjaviłasia videa z kamiery nazirańnia. Pašancavała, što ŭ momant padzieńnia truby pablizu nie było minakoŭ. Učora ž jon vyklikaŭ na miesca zdareńnia MNS. Bo kali niešta pačało padać, to dzie harantyja, što nie ŭpadzie ŭsia kanstrukcyja?
U MNS Onliner paćvierdzili, što śpiecyjalisty viedamstva vyjazdžali na miesca. Paśla taho jak jany pierakanalisia ŭ tym, što kanstrukcyja, jakaja zastałasia na ścianie, nadziejna zamacavanaja, pra heta paviedamili zajaŭniku.
Paśla atrymaŭ aficyjnaje paviedamleńnie ad ŽKH Kastryčnickaha rajona. U pryvatnaści, tam paćvierdzili, što adbyłosia abrušeńnie elemienta kanstrukcyi vientylacyjnaj sistemy na žyłym domie.
«Incydent adbyŭsia z-za zryvu časovych macavańniaŭ, u vyniku čaho elemient blašanaj skryni ŭpaŭ na lehkavy aŭtamabil», — havorycca ŭ paviedamleńni.
Pry hetym padkreślivajecca, što aŭtamabil byŭ pryparkavany ŭ nieŭstanoŭlenym miescy, z parušeńniem PDR.
Kamientary