U Minsku projdzie biaspłatny muzyčny piknik ź biełaruskimi artystami
U apošniuju subotu leta.
U Minsku 29 žniŭnia projdzie muzyčny piknik Utka Day — adnadzionny fiestyval z kancertami, lekcyjami, sportam, markietam łakalnych brendaŭ i fudkortami. Mierapryjemstva adbudziecca adrazu na troch placoŭkach kala stancyi mietro «Park Čaluskincaŭ»: u «Skviery», «Echa» i «Echa dvary» (pr-t Niezaležnaści, 95/5), piša Onliner.by.
Dzionnaja prahrama praciahniecca z 12:00 da 22:00. Uvachod na jaje budzie biaspłatnym, nabyvać bilet abo zahadzia rehistravacca nie spatrebicca.
Hałoŭnaj častkaj Utka Day stanie muzyka. U prahramie — maładaja biełaruskaja scena: ad minskaha chip-chopu da indy-roku.
Na scenie ŭ «Skviery» vystupiać Loukii, «minimarkiet», Postoyanno, Saint Wenz, Alexey Krivdin i Wasssup. Arhanizatary taksama abiacajuć sakretnaha hościa.
Paralelna ŭ «Echa Dvary» projdzie šmathadzinny dydžej-set. Udzień muzyka budzie supravadžać roznyja aktyŭnaści, a ŭviečary placoŭka pieratvorycca ŭ tancplacoŭku pad adkrytym niebam. Pry hetym fiestyval zadumany nie tolki jak muzyčnaje mierapryjemstva. Dzień pačniecca z prabiežki i zaniatkaŭ johaj. U «Echa dvary» praviaduć kviz, tancavalny batł i majstar-kłas pa elektradensie ad Valery Čvałava.
Taksama na terytoryi raźmieściacca interaktyŭnaja zona «Družba», markiet biełaruskich brendaŭ i ramieśnikaŭ, fudtraki.
Paśla hetaha Utka Day praciahniecca ŭžo płatnaj načnoj viečarynkaj — z 22:00 da 04:00. Jaje adkryje PILLIBERG, zatym vystupiać Zhora Popkin i Trace Visv, RealLowly Pluto i FRUKT. Zavieršyć prahramu sumiesny set BRAVO i distortion808.
Dla načnoj častki spatrebicca asobny bilet, jon kaštuje 35 rubloŭ.
Ciapier čytajuć
Dzieviać čałaviek pamierli ŭ Breście i Minsku — usim im uvodzili adnyja i tyja ž leki. U preparacie znajšli bakteryi3
Kamientary