Kola tak sutyknuŭsia z partnioram pa kamandzie, što bolš nie zmoh vyjści na lod
Zabirać trafiej čempijona Minska siarod amataraŭ Kola Łukašenka vyjšaŭ z zaklejenym padbarodkam i z drapinami na łbie i nosie.
Učora adbyŭsia finał čempijanatu Minska pa chakiei siarod amatarskich kamand. Za pieramohu zmahalisia kamandy «Amatar» i «Bastyjon». U apošniaj pad numaram 31 hulaje Kola Łukašenka — jon kapitan.
U pačatku druhoha pieryjadu Kola žorstka sutyknuŭsia z chakieistam svajoj ža kamandy — Mikitam Drazdovym, jaki hulaje pad numaram 79.
I kali Mikita nie paciarpieŭ, to Kolu prylacieła davoli žorstka. U chutkim časie paśla hetaha prahučaŭ śvistok arbitra. Apynuŭšysia za bortam, Łukašenka adrazu źniaŭ šlem. Na inšych kadrach možna pabačyć, jak jon razmaŭlaje ź niejkaj žančynaj i pakazvaje na svaju hałavu — a paśla sychodzić razam z surazmoŭcaj.
@nashaniva Kola Łukašenka lasnuŭsia na chakiei, jak baćka. I nie zmoh praciahnuć hulniu #biełaruś #kolałukašienko #chokkiej #łukašienko #minsksiejčas ♬ orihinalnyj zvuk - Naša Niva. Naviny
Paśla hetaha incydentu Kola bolš nie vyjšaŭ hulać. Nie abdymaŭsia jon z kamandaj, kali stała zrazumieła, što «Bastyjon» pieramoh ź likam 8:2. Łukašenka małodšy taksama prapuściŭ cyrymoniju ŭznaharodžańnia najlepšych hulcoŭ.
Vyjšaŭ na lod Kola tolki tady, kali nadyšoŭ čas atrymlivać miedali za pieršaje miesca — u zvyčajnym adzieńni. Na jaho padbarodku źjaviŭsia płastyr. Taksama bačnyja drapiny na łbie i nosie.
Było bačna, što chłopcu niejak niajomka iści za ŭznaharodaj nie ŭ chakiejnaj ekipiroŭcy. Ale Dźmitryj Baskaŭ skazaŭ jamu niešta matyvujučaje, i toj usio ž pajšoŭ. Kubak pieramožcaŭ taksama zabraŭ Kola.
Kamientary
Pra Viciu i Dzimu tak nie pišuć.
niejkaja žančyna - heta hrymiorša? narysavała "drapiny" i pryšlopnuła płastyr