Biełarusy dapamahli maładoj maci ź invalidnaściu zrabić ramont u internacie. Inakš dzicia zabrali b u dziciačy dom
Dziakujučy nieabyjakavym ludziam maleńki chłopčyk, jaki naradziŭsia raniej terminu, zastaniecca z mamaj.
Amal tydzień tamu biełaruska Alona Martynienka raspaviała ŭ sacsietkach pra składanuju situacyju, u jakuju trapiła maładaja maci Nastaśsia.
Nastaśsi 22 hady, sama jana vyrasła ŭ dziciačym domie (i nie vielmi prystasavanaja da žyćcia ŭ zvyčajnym śviecie), maje invalidnaść pa zroku.
Dziaŭčyna zaciažaryła — a tata dziciaci źnik za haryzontam, kali pra heta daviedaŭsia. Naradziła jana raniej za naležny termin. Chłopčyk źjaviŭsia na śviet vahoj 2,6 kiłahrama i rostam 49 santymietraŭ.
Adbyłosia ŭsio tak niečakana, što Nastaśsia apynułasia ŭ 5 radzilni Minska biez rečaŭ, jakija byli nieabchodny dla jaje i niemaŭla. Alona praz sacsietki znajšła šmat ludziej, jakija zachacieli dapamahčy i pryvieźci ŭsio ŭ balnicu.
Praŭda vyśvietliłasia, što miesiac tamu hrupa žančyn užo źbirała dla Nastaśsi nieabchodnaje — ale ž žančyna razhubiłasia i nie ŭziała ničoha z saboj u radzilniu. Alona adznačaje, što maładoj maci nieabchodna padtrymka i nastaŭnictva.
Ale ž situacyja ŭskładniałasia tym, što maładaja maci žyła ŭ internacie — u adnym pakoi z susiedkaj. A ŭmovy tam byli nie samyja lepšyja — asabliva dla dziciaci. Isnavała ryzyka, što maleńkaha chłopčyka nie dazvolać zabrać tudy, a adpraviać u dziciačy dom.
Da vyrašeńnia hetaha pytańnia taksama padklučylisia nieabyjakavyja biełarusy. Za dva dni jany zrabili amal niemahčymaje: damahlisia, kab susiedka atrymała novaje miesca i arhanizavali jaje pierajezd, vyklikali klininh, vykinuli staruju kanapu i nabyli novuju, pastavili łožačak i kamod z spavivalnym stolikam, paviesili novyja štory, paścialili dyvan, pryvieźli novyja koŭdry i paduški. A jašče ŭstalavali mikrachvaloŭku, pierahładzili haru dziciačaha adzieńnia i pamyli dziciačy vazočak.
Alona nazyvaje heta sapraŭdnym cudam. Čakajecca, što ŭ chutkim časie orhany apieki prymuć pakoj i tady daktary zmohuć vypisać maci z synam damoŭ.
Ciapier vałanciory dumajuć pra toje, jak dapamahčy Nastaśsi adaptavacca da roli maci — bo vielmi važna, kab žančyna, jakaja sama vyrasła ŭ dziciačym domie, navučyłasia brać adkaznaść za svajo žyćcio.
U biełaruskich radzilniach niama preparatu, jaki nieabchodny novanarodžanym
U biełaruskich radzilniach biaruć u zakładniki niemaŭlat, jakich naradzili mihrantki, kab spahnać z baćkoŭ hrošy? Raźbirajemsia
Biełaruska pry rodach atrymała redkaje ŭskładnieńnie: «Vypisali sa stomaj u boku»
26‑hadovaja ciažarnaja ŭ Dziaržynsku pamierła praź biełaruski antybijotyk, jaki raniej užo zabaraniali — bo ad jaho zahinuła niekalki žančyn
Ciapier čytajuć
Pastar Hrem na «Čyžoŭka-arenie» paprasiŭ malicca za Łukašenku i Pucina. A sam maliŭsia za Trampa65
Kamientary
Hańba usim dziaržaŭnym orhanam i asabista orhanam apieki jakija NIČOHA nie zrabili dla dapamohi maładoj maci ź invalidnaściu, u jakoj niama rodzičaŭ, kab navučyć, što rabić z maleńkim dziciom.
A tolki pahražajuć adabrać dzicia i stvarajuć stres dla čałavieka, jaki trapiŭ u ciažkuju situacyju.
A rody raniej termina i ŭvohule naradžeńnie dziciaci, - heta stres i ciažkaja situacyja absalutna dla luboj žančyny, i toj, što z mužam, i toj, što z ułasnaj kvateraj z sučasnym ramontam, i z hrašyma, i z karjeraj.
I cerbiery z orhanaŭ apieki ź ich pahrozami adabrać dzicia - heta taja kantora, jakaja tolki i moža, što stvarać stres i pahrozu daterminovych rodaŭ.
Dapamohi ad orhanaŭ apieki - NOL, ni z žyllom nie dapamahajuć, ni z ramontam, ni z alimientami, ni z pasobijem, ni ź dziciačym charčavańniem, ni z adzieńniem, ni z kravatkaj, ni z kalaskaj, ni ź lekami, ni ź nianiej. Nol dapamohi.