Siońnia haryć Pierm. Ukraina zrabiła staŭku na ŭdary, vyniki jakich bačnyja miljonam
29 krasavika ŭkrainskija bieśpiłotniki atakavali najbolšy abjekt Piermskaha rajonnaha naftapravodnaha ŭpraŭleńnia — liniejnuju vytvorča-dyśpietčarskuju stancyju «Pierm».
Uźnik mahutny pažar. Nieba nad miljonnaj Piermiu zaciahnuła čornym dymam.
Ukraina apošnim časam robić staŭku na ŭdary pa reziervuarach, a nie pa klučavych elemientach NPZ. Stratehičny ŭpłyŭ udaraŭ pa cysternach nie taki i vialiki: zhareła i zhareła, adbudavali. Adnak hihanckija pažary ŭździejničajuć na nastroi nasielnictva Rasii. Uładam niemahčyma schavać prapuščanyja ŭdary, pry jakich prytym, u adroźnieńnie ad rasijskich udaraŭ pa haradach, amal niama achviar siarod mirnaha nasielnictva.
U rasijskim internecie hetyja ŭdary vyklikajuć usio bolš rezkuju reakcyju. Niehatyŭ, jaki raniej datyčyŭ Hierasimava, Šajhu i Piaskova, raspaŭsiudziŭsia ŭžo i na samoha Pucina.
Maskva bolš nie moža pradać hramadstvu tezu, što «vajna idzie pa płanie». Deficyt rakiet dla ZRK «Pancyr» taksama staŭ vidavočny.
Tempieratura zakipańnia rasijskaha hramadstva nie dasiahnutaja, dla hetaha spatrebilisia b bolš vyjaŭnyja parazy na froncie ci masavaja mabilizacyja. Adnak i ŭra-patryjatyčnych nastrojaŭ bolš nie nazirajecca.
Kijeŭ praciahvaje mietadyčna nanosić udary pa abjektach paliŭnaj infrastruktury Rasii. Vajna pierastała być papularnaj siarod rasijan, jany pačali razumieć jaje vydatki. Ukraina raźličvaje, što takoj ciarplivaj taktykaj i stvoryć urešcie pieradumovy dla jaje spynieńnia.
Ciapier čytajuć
Što viadoma pra viciebčuka, jakoha vinavaciać u sprobie padryvu samalota ŭ Hiermanii10
Kamientary
No eto žie nie tak. Vy sčitajetie, čto rieziervuary stroili tolko dla toho, čtoby oni byli, potomu čto eto krasivo? Ili oni kak-to shłaživajut nieravnomiernosť postavok niefti ili othruzok nieftieproduktov? A jeśli shłaživajut, hdie chraniť izbytki pri otsutstvii rieziervuarov?
V vojennom płanie eto nie pomožiet, jeśli oni dumajut čto nasielenije v rf čto-to riešajet, to urovień kvalifikacii piečalnyj.