Strałok, jaki ŭvarvaŭsia na viačeru z Trampam, dasłaŭ pierad hetym manifiest — voś što ŭ im
Mužčyna, jaki raspačaŭ stralaninu na ŭračystym pryjomie Asacyjacyi karespandentaŭ pry Biełym domie ŭ hateli Washington Hilton, dzie prysutničaŭ i Donald Tramp, za 10 chvilin da napadu dasłaŭ siamiejnikam Trampa svoj manifiest. Jaho tekst apublikavała vydańnie The New York Post.
Padazravanaha zavuć Koŭł Tomas Alen. Heta 31‑hadovy nastaŭnik i raspracoŭščyk hulniaŭ z Kalifornii, raniej jon nie traplaŭ u pole zroku palicyi. U manifieście jon nazvaŭ siabie «družalubnym fiederalnym asasinam» i patłumačyŭ svaje matyvy.
«Ja hramadzianin Złučanych Štataŭ Amieryki. Toje, što robiać maje pradstaŭniki, adbivajecca na mnie. I ja bolš nie žadaju dazvalać piedafiłu, hvałtaŭniku i zdradniku pakryvać maje ruki jaho złačynstvami. (Nu, kali być zusim ščyrym, ja pierastaŭ žadać hetaha daŭno, ale heta pieršaja realnaja mahčymaść, jakaja ŭ mianie źjaviłasia, kab niešta z hetym zrabić.)», — napisana ŭ manifieście.
Dalej mužčyna apisaŭ «praviły viadzieńnia boju». Tam adznačajecca, što jaho celami źjaŭlajucca čynoŭniki administracyi Trampa: «pryjarytet ad vyšejšych pa ranhu da nižejšych». Haściej i supracoŭnikaŭ hatela jon nie źbiraŭsia čapać. Ale, piša, što kali b heta było nieabchodna, kab dabracca da celaŭ, to paciarpieli b i inšyja ludzi — «na toj padstavie, što bolšaść ludziej vyrašyli naviedać pramovu piedafiła, hvałtaŭnika i zdradnika, i, takim čynam, źjaŭlajucca saŭdzielnikami».
Strałok napisaŭ i pra niedastatkova strohi kantrol na pryjomie.
«Jakoha čorta robić sakretnaja słužba? (…) Nu voś, ja čakaŭ kamier videanazirańnia na kožnym kroku, prasłuchoŭvańnia ŭ numarach hatela, uzbrojenych ahientaŭ praz kožnyja 10 futaŭ, mietałašukalnikaŭ na kožnym kucie. Toje, što ja atrymaŭ (chto viedaje, moža jany mianie razyhryvajuć!) — heta ničoha. Nijakaj čortavaj biaśpieki. Ni padčas transpartavańnia. Ni ŭ hateli. Ni na samim mierapryjemstvie.
Voś adzinaja reč, jakuju ja adrazu zaŭvažyŭ, kali ŭvachodziŭ u hatel, — heta pačućcio fanaberyi. Ja zachodžu z mnostvam adzinak zbroi, i nivodzin čałaviek tam navat nie dapuskaje dumki, što ja mahu być pahrozaj».
Napadnika zatrymali na miescy.
Ułady paćvierdzili, što Alen kupiŭ dva pistalety i drabavik i zachoŭvaŭ ich u domie svaich baćkoŭ. Jon rehularna treniravaŭsia na strelbiščy.
Sakretnaja słužba apytała siastru Alena, jakaja žyvie ŭ Rokvile, štat Merylend, i daviedałasia, što jon časta vykazvaŭ radykalnyja palityčnyja pohlady i kazaŭ pra toje, kab zrabić «niešta», kab vypravić prablemy śvietu.
Brat Alena paviedamiŭ u palicejskaje ŭpraŭleńnie pra manifiest.
Redki vypadak: pamiłavany biełaruski palitviazień pajšoŭ na vajnu suprać Ukrainy16
Redki vypadak: pamiłavany biełaruski palitviazień pajšoŭ na vajnu suprać Ukrainy
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary