U novy sankcyjny pakiet Ukrainy ŭvajšli 11 biełaruskich pradpryjemstvaŭ i 16 hramadzian Biełarusi. Siarod ich Šejman i syny Łukašenki
Pad abmiežavańni, jakija 29 krasavika zaćvierdziŭ prezident Ukrainy Uładzimir Zialenski, trapili jak pradpryjemstvy biełaruskaha VPK, tak i asoby, datyčnyja jaho ci ŭvohule nabližanyja da Alaksandra Łukašenki.
Sankcyi ŭviedzienyja suprać pradpryjemstvaŭ, jakija, pavodle infarmacyi ŭkrainskaha boku, vyrablajuć artyleryjskija snarady kalibraŭ 122 mm i 152 mm dla rasijskich vojskaŭ. Siarod ich nazvanyja mahiloŭski zavod «Olsa», minski zavod «Termapłast», Žodzinski kavalski zavod ciažkoj štampoŭki, jakija vypuskajuć detali dla bojeprypasaŭ.
Taksama sankcyi ŭviedzienyja suprać pradpryjemstva «IK-9» z Horak, jakoje vyrablaje ŭpakoŭku dla snaradaŭ, i babrujskaj kampanii «NaftaChimDyjahnostyka», dzie, jak śćviardžajecca, pravodziacca vyprabavańni bojeprypasaŭ.
Abmiežavańni zakranuli i Viciebski zavod elektravymiaralnych pryboraŭ, jaki, pavodle paviedamleńniaŭ, pastaŭlaje abstalavańnie dla ramontu i madernizacyi rasijskaj braniatechniki, a taksama ašmianskaje pradpryjemstva «Radyjotechnika», što vyrablaje kampanienty dla vajskovaj techniki.
Akramia taho, sankcyi raspaŭsiudžanyja na Minski zavod cyvilnaj avijacyi № 407, jaki zajmajecca ramontam rasijskich samalotaŭ siamiejstvaŭ «Tu», «Jak» i «Ił».
Trapiŭ pad sankcyi taksama Barysaŭski zavod płastmasavych vyrabaŭ i minskija pradpryjemstvy «Čyp i Dzip» i «407 Techniks».
Siarod fizičnych asob u śpisie — Viktar Šejman, jaki, jak śćviardžajecca, udzielničaŭ u miždziaržaŭnych pieramovach, cieniavych biznes-schiemach i arhanizacyi abychodu mižnarodnych sankcyj. Jon užo znachodzicca pad sankcyjami ZŠA, ES, Vialikabrytanii, Šviejcaryi i Kanady.
Taksama pad sankcyi trapili Viktar i Dźmitryj Łukašenki — syny Alaksandra Łukašenki. Ukraincy śćviardžajuć, što jany datyčnyja da ekspartu pradukcyi ŭ abychod mižnarodnych abmiežavańniaŭ, pastavak tavaraŭ padvojenaha pryznačeńnia i reekspartu praz terytoryju Biełarusi.
Inšyja asoby, jakija zhadvajucca ŭ dakumientach — Dźmitryj Baraznoŭ, Maksim Karpyza, Dźmitryj Kisiel, Alaksandr Markoŭski, Pavieł Muraviejka, Alaksandr Rachmanaŭ, Alaksandr Sałdacienka, Alaksiej Suškievič, Maksim Syraj, Dźmitryj Čeraj, Alaksandr Šalanhoŭski, Natalla Škiet i Stanisłaŭ Jarachovič.
Zialenski zajaviŭ pra padpisańnie sankcyjnaha pakieta, u tym liku i suprać subjektaŭ ź Biełarusi
Bialacki: Sankcyi zdymać nie para, pakul idzie vajna i praciahvajucca represii
Andrejeva: Kaleśnikavu kupili za «Biełaruśkalij», mianie za źniaćcio sankcyj z bankaŭ. Kali b sankcyj nie było, za što b nas kuplali?
U sankcyjny śpis ES uklučyli Biełaruskuju naftavuju kampaniju i «Vołat-Sanczian»
Ciapier čytajuć
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?14
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary
i Ukraina dołžna była znať, čto jurlica IK nie imiejut k etomu otnošienija. promzony IK riehistrirujutsia na otdielnyje jurlica, kotoryje mieniajutsia primierno raz v 2 hoda. kakoj smysł vklučať IK v sankcii za jaŝiki?
sankcii nado primieniať ko vsiemu DIN RB, ono upravlajet vsiemi IK i promzonami.