U mietrapalitenie raskryli tajamnicu, što chavajecca za sakretnymi dźviarmi na stancyi «Kastryčnickaja»
U kruhłym viestybiuli, jaki złučaje stancyi mietro «Kastryčnickaja» i «Kupałaŭskaja», jość zakryty vychad, jaki «nikudy nie viadzie». Raniej tam navat stajali turnikiety, a dalej — kłasičnyja šklanyja dźviery mietro. Što za imi — adna z najstarejšych zahadak minskaha mietro.
Va ŭjaŭleńni pasažyra tam moža być što zaŭhodna: restaran, ihralny kłub, pravodziacca bai biez pravił, mahčyma, źbirajucca rycary tajnaha ordena. Tam mohuć adbyvacca navat «vielmi dziŭnyja spravy». Pres-słužba mietrapalitena navat vizualizavała hetyja fantazii.
Nasamreč — usio značna bolš prazaična.
Za hetymi dźviaryma znachodzicca pamiaškańnie, dzie pierad zastupleńniem na dziažurstva pravodziacca instruktažy supracoŭnikaŭ słužby biaśpieki Minskaha mietrapalitena.
Vydańnie Blizko.by dadaje jašče adnu detal: hety vychad pieršapačatkova płanavaŭsia jak zvyčajny vychad dla pasažyraŭ.
Šlach vyvodzić u pierachod stancyi «Kastryčnickaja» pablizu Alaksandraŭskaha skviera.
Vychad — žaleznyja dźviery — lohka razhledzieć pobač z kramaj «Kvietkavy bazar».
Pavodle źviestak Blizko.by, hety vychad niejak dumali adkryć, kab raździalić patoki, što iduć na stancyi «Kastryčnickaja» i «Kupałaŭskaja», i pazbavicca ad natoŭpu.
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary