«Nie rekamiendavana, a abaviazkova». U raskładzie ŭrokaŭ źjavicca treci ŭrok fizkultury
Čamu ŭ raskładzie školnikaŭ źjavicca treci ŭrok fizkultury, patłumačyła žurnalistam pradstaŭnik Ministerstva adukacyi Iryna Karžova, piša BiełTA.
Z 1 vieraśnia ŭ vučniaŭ u raskładzie źjavicca try ŭroki fizičnaj kultury. «Siońnia my šmat havorym pra zdarovy ład žyćcia vučniaŭ. A zdarovy ład žyćcia — heta ruchalnaja aktyŭnaść», — adznačyła Iryna Karžova.
U minułym hodzie było dva ŭroki «Fizičnaj kultury i zdaroŭja», a taksama było rekamiendavana praviadzieńnie «Hadziny zdaroŭja i sportu». «Uźnikali pytańni: rekamiendavana — heta abaviazkova ci nie. Uźnikali pytańni, jak pravodzić: u ramkach asnoŭnaha raskładu ci ŭ ramkach raskładu fakultatyŭnych zaniatkaŭ.
Siońnia, razumiejučy rolu ruchalnaj aktyŭnaści vučniaŭ, u hetych sprečnych pytańniach taksama pastaŭlena kropka — try ŭroki fizkultury ŭ asnoŭnym raskładzie vučebnych zaniatkaŭ», — skazała I. Karžova.
U vučebnuju prahramu «Fizičnaj kultury i zdaroŭja» ŭniesieny źmieny, praviedzieny ŭsie padrychtoŭčyja mierapryjemstvy z nastaŭnikami, kab vučebny praces z 1 vieraśnia pravodziŭsia na naležnym uzroŭni, dadała jana.
Ciapier čytajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek33
Kamientary