Siaredni košt kvadrata praciahvaje raści, popyt na žyllo pa-raniejšamu vysoki. Što budzie dalej — zastajecca tolki zdahadvacca. Analitykaj ździełak za lipień padzialiłasia ahienctva nieruchomaści «Tvaja stalica».
U lipieni ŭ Minsku było zaklučana kala 1440 ździełak, ź jakich 6% — heta hatovyja novabudoŭli ad zabudoŭščykaŭ. Z ulikam taho, što ŭ bazu Nacyjanalnaha kadastravaha ahienctva jašče nie zahružanyja ŭsie dadzienyja, kančatkovaja kolkaść ździełak z kvaterami moža skłaści prykładna 1500.
Siaredni košt kvadrata na dadzieny momant składaje $1754.
Hałoŭny drajvier rostu — adnapakajovyja kvatery ŭ sučasnych karkasna-błočnych damach. Žyllo z canoj zvyš $2000 za «kvadrat» raźmieščana pieravažna ŭ žyłych kompleksach «Minsk-Śviet», «Levada», «Paŭnočny bierah», u novych damach uzdoŭž praśpiekta Dziaržynskaha i ŭ mikrarajonie Lebiadziny.
— U siehmiencie staroha žylla, pabudavanaha da 2000 hoda, zaŭvažny rost cennazirajecca tolki na adnapakajovyja chruščoŭki i brežnieŭki z dobrym ramontam, — raspaviadajuć ekśpierty.
Čamu tak adbyvajecca? Usio prosta:
— Kampaktnyja kvatery-studyi ŭ sučasnych damach stanoviacca niedastupnymi dla šyrokaj aŭdytoryi, i ŭvaha pakupnikoŭ zrušvajecca da bolš biudžetnych varyjantaŭ u starym fondzie.
Sapraŭdy, košt małamierak i kvater-studyj navat u bietonie davoli vysoki. Naprykład, u «Minsk-Śviecie» jany kaštujuć kala $60 000. Nievialikija kvatery płoščaj kala 30 kv. m z sučasnym ramontam mohuć aceńvacca ad $75 000 da $100 000.
Kredytnaja padtrymka rynku žylla zastajecca davoli vysokaj — kala 28% ździełak ździajśniajecca z pryciahnieńniem kredytu. Navat niahledziačy na pavyšeńnie stavak ad «Biełarusbanka», taki sposab palapšeńnia žyllovych umoŭ praciahvaje hrać važnuju rolu ŭ padtrymcy popytu.
Abjom prapanavanych na prodaž kvater u lipieni faktyčna nie źmianiŭsia, jak i siarednija ceny prapanoŭ:
— Jak praviła, na sastupki iduć pradaŭcy kvater u starych panelnych damach biez ramontu, a kvatery z ramontam u sučasnych damach uładalniki sprabujuć pradać značna daražej za rynak. Pry hetym šerah abjektaŭ prapanoŭ vystaŭleny pa zavyšanaj canie i miesiacami zastajecca ŭ bazie bieź źmien.
U lipieni lidaram pa kolkaści pradadzienych kvater staŭ ščylna nasieleny Frunzienski rajon — tut zarehistravana 22% usich zaklučanych ździełak.
Troški jamu sastupaje Kastryčnicki rajon — 16% usich pradadzienych kvater.
U adstajučych — Partyzanski i Leninski rajony, 4% i 6% adpaviedna.
Ciapier čytajuć
Babaryka, Zołatava i jašče niekalki dziasiatkaŭ byłych palitviaźniaŭ zaklikali jeŭrapiejskich lidaraŭ aktyŭniej damaŭlacca nakont vyzvaleńniaŭ45
Kamientary