«Nioman» urvaŭ pieramohu ŭ «Kłakśvika» pa pienalci i prabiŭsia ŭ płej-of kvalifikacyi Lihi kanfierencyj
Za vychad u asnoŭnuju stadyju biełaruski kłub paspračajecca ź ispanskim «Raja Valjekana».
Tydzień tamu na Farerach «Nioman» prajhraŭ 0:2, tamu zadača siońnia była składanaja.
Bolš za hadzinu siońnia ŭ haradziencaŭ ničoha nie atrymlivałasia, ale ŭ kancy druhoha tajma prarvała — biełaruski kłub zdoleŭ zabić dva miačy, pryčym vyznačylisia lehijaniery. Spačatku na 80-j chvilinie miač u varoty adpraviŭ kyrhyz Žyłžyhit Barubajeŭ, a na 84-j ukrainiec Juryj Pancia.
Dadatkovy čas hałoŭ nie prynios, usio skončyłasia sieryjaj pienalci, dzie byŭ macniejšym «Nioman». Hulec Fareraŭ prabiŭ mima.
Takim čynam «Nioman» u čaćviertym raŭndzie i za vychad u asnoŭnuju stadyju biełaruski kłub paspračajecca ź ispanskim «Raja Valjekana». Matčy projduć 21 i 28 žniŭnia.
Na papiarednich stadyjach ź jeŭrakubkami raźvitalisia bresckaje «Dynama», žodzinskaje «Tarpieda-BiełAZ» i minskaje «Dynama».
U minułym hodzie minskaje «Dynama» dabrałasia da asnoŭnaj stadyi Lihi kanfierencyj.
Kamientary
Treba pryznać, što biełaruskija futbolnyja kluby hety jeŭrakubkavy siezon praviali dobra Što b ni plavuzhali, a ŭzrovień biełaruskaha čempijanatu adpaviadaje siaredniejeŭrapiejskamu ŭzroŭniu.