Malavanyča nie puścili ŭ Hruziju — načavać jon budzie ŭ śpiecpakoi
Akciora Alaksandra Ždanoviča biez tłumačeńniaŭ nie puścili ŭ Hruziju. Malavanyč jechaŭ tudy, kab sustrecca ź siabrami i pravieści tvorčyja sustrečy.
Ždanovič raskazaŭ «Našaj Nivie», što ciapier jon znachodzicca ŭ aeraporcie Kutaisi.
«Spačatku była zatrymka na pašpartnym kantroli, dumaju, niešta jany ŭ bazie znajšli. Potym praviali niešta nakštałt dopytu: navošta, kudy, da kaho, čym zajmajeciesia? Čakańnie kala hadziny, admova», — kaža Alaksandr.
Načavać akcior budzie ŭ śpiecyjalnym pakoi na terytoryi aeraporta, abstalavanym dla takich vypadkaŭ, ježu jamu dazvolili nabyć za svaje hrošy. Umovy ŭ pakoi, kaža jon, ścipłyja — škonki z matracam, ale biez paścieli, prybiralnia.
Ranicaj 15-ha žniŭnia Ždanovič musić vylecieć u Varšavu — jon bolš za hod žyvie ŭ Polščy, atrymaŭ tam status uciekača. Raniej akcior žyŭ u Hruzii, kudy emihravaŭ ź Biełarusi praz palityčnyja pryčyny.
«Naša Niva» — bastyjon biełaruščyny
PADTRYMAĆ
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj89
Kamientary