Malavanyč raskazaŭ, kolki ŭ jaho skrali telefonnyja machlary i čamu pavieryŭ im
Akcior i televiadučy Alaksandr Ždanovič, najbolš viadomy jak Malavanyč z «Kałychanki», raskazaŭ «Našaj Nivie» padrabiaznaści svaich sumnych pryhod z machlarami.
Usio adbyłosia viečaram u piatnicu: 18 kastryčnika Alaksandr pavinien byŭ u varšaŭskim Biełaruskim moładzievym chabie pravieści viečar batlejki. Jon vielmi śpiašaŭsia — bo bačyŭ, što ŭžo spaźniajecca. Nie chaciełasia, kab hledačy čakali. U hałavie byli dumki tolki ab tym, jak usio ž paśpieć na ŭłasny vystup. Heta jakraz i zhulała na ruku machlaram, jakija patelefanavali akcioru ŭ maksimalna niazručny dla jaho momant.
Historyja była kłasičnaja: «supracoŭniki banka» paviedamili, byccam była sproba źniać hrošy z rachunku Alaksandra. Dla abarony treba nazvać heta i heta… Potym bankinh akazaŭsia zabłakavanym.
— Machlary spačatku razmaŭlali na ŭkrainskaj. Kali ja skazaŭ, što drenna jaje viedaju, pierajšli na ruskuju. Kaniešnie, šmat čaho pavinna było naściarožyć. Ale hetyja «artysty» mianie kupili tym, što nazvali niekatoryja danyja, jakija, jak ja dumaŭ, mahli viedać tolki sapraŭdnyja supracoŭniki banka. Uvohule, jak prafiesijanał skažu: syhrana vydatna.
Kali Alaksandr zrazumieŭ, što nasamreč adbyłosia, jon zabłakavaŭ kartku. U paniadziełak pryjšoŭ u bank, dzie jamu paviedamili: na valutnym rachunku z 3 tysiač jeŭra amal ničoha nie zastałosia. Viarnuć hrošy niemahčyma.
— Ahułam rachunak zabłakavany. Rajać telefon abnavić da pieršapačatkovych naład i pastavić antyvirus.
Dapamahčy Malavanyču možna tut.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary
Praklatyje rasijanie, ničyvo nie mohut, tolko varavać, užie dažie vyučyli jazyk dla svaich prestupnych schiem!
dyk a jak jon zrazumieŭ, što hena ŭkrainskaja, kali drenna jaje viedaje? nie razumiem
dyk hena moža stryžak byŭ ? jak raz źbiraŭ 3 tysiačy jeŭra dla...