Łukašenka raźnios padnačalenych za pravał u zapusku farmaceŭtyčnaha pradpryjemstva
15 žniŭnia Alaksandr Łukašenka na naradzie pa raźvićci bijafarmaceŭtyki paviedamiŭ, što na pradpryjemstvie «BiełVitunifarm» u vioscy Doŭža Viciebskaha rajona dahetul nie zapuścili vytvorčy kompleks pa vypusku vakcyn dla ludziej, i darahoje abstalavańnie staić biez spravy.
Łukašenka nahadaŭ, što pavodle ŭkaza № 430 ad 3 listapada 2021 hoda na hety prajekt z roznych biudžetaŭ było vydzielena 68,1 miljona rubloŭ. Łukašenka padkreśliŭ, što jon padpisaŭ ukaz pa prośbie adkaznych asob, i ciapier choča viedać, chto adkaža za toje, što rabota nie zavieršanaja.
Pavodle jaho słoŭ, hałoŭnaja pieraškoda — inviestycyjnyja prajekty, jakija znachodziacca na roznaj stadyi hatoŭnaści. Łukašenka pastaviŭ zadaču vyznačycca, ci pradpryjemstva budzie samastojna dabudoŭvać vytvorčaść, ci pryciahnie inviestara. Taksama jon prapanavaŭ razhledzieć vykarystańnie ŭžo najaŭnych, ale niedazahružanych miedycynskich mahutnaściaŭ u Viciebskaj vobłaści, naprykład, na pradpryjemstvie «Natyvita» ŭ Biešankovičach.
Pres-słužba paviedamiła, što ŭsie ŭdzielniki sustrečy pryjšli da adzinaha bačańnia nastupnych krokaŭ pa raźvićci «BiełVitunifarma» i prapanavali płan dziejańniaŭ, jaki pradstavili Łukašenku.
Ciapier pradpryjemstva vypuskaje kala 150 vidaŭ vieterynarnych preparataŭ, u tym liku 26 — bijałahičnych.
Były dyrektar «BiełVitunifarma» Siarhiej Balšakoŭ u lutym 2025 hoda byŭ asudžany na 4 hady pazbaŭleńnia voli z trochhadovaj adterminoŭkaj pakarańnia za pieravyšeńnie słužbovych paŭnamoctvaŭ i kradziež z vykarystańniem słužbovaha stanovišča. Taksama jamu pryznačyli štraf u pamiery 3000 bazavych vieličyń (126000 rubloŭ).
Budaŭnictva zavoda pa vyrabie biełaruskaj vakcyny ad kavidu spynili
Šeleh: Biełaruskija leki ničym nie adroźnivajucca ad starych preparataŭ bujnych farmaceŭtyčnych kampanij
U Polščy zatrymali dziasiatki tysiač padroblenych lekaŭ, u tym liku i ź Biełarusi
U minskich aptekach raźmiali rasijski anałah «Aziempika». Ludziej nie pałochała navat cana
Ciapier čytajuć
U Homieli za palityku asudzili kiraŭnika abjadnańnia, jakoje šukaje pareštki achviaraŭ vajny i stalinskich represij, i jaho žonku-miedsiastru3
Kamientary
2 - pieratrach
3 - vypuskajecca ŭkaz ab raźvićci peŭnaj haliny ekanomiki, vybirajecca piłotny prajekt, na im pačynajecca "budoŭla stahodździa" pad biznespłan s miljonami profitu
4 - mahutnaści nie pracujuć, budoŭla nie skončana, ale ŭsie hrošy "asvojeny"
5 - pieratrach
6 - stvarajecca SP miž dziaržavaju dy blizkim biznesam, albo stratehična-partniorskaj krainaju, novy biznespłan ź miljardami profitu
7 - SP biare ahramienny kredyt pad harantyi dziaržavy
8 - budoŭla skančvajecca, niešta pačynaje pracavać, ale ŭsie hrošy "asvojeny" i abiacanych miljardaŭ profitu niabačna
9 - pieratrach
10 - pad čas niejkaj pajezdki "pa palach"...