U Polščy zatrymali dziasiatki tysiač padroblenych lekaŭ, u tym liku i ź Biełarusi
Sa śniežnia 2024 pa maj 2025 hoda Nacyjanalnaja padatkovaja administracyja Polščy ŭdzielničała ŭ mižnarodnaj apieracyi pad kryptanimam Pangea XVII, nakiravanaj suprać handlu padroblenymi i niezakonnymi lekami i miedycynskimi vyrabami. U akcyi ŭdzielničali słužby z 90 krain, a kaardynavaŭ jaje Interpał, paviedamlajecca na sajcie polskaha ŭrada.
U Polščy da apieracyi dałučylisia taksama palicyja i Hałoŭny farmaceŭtyčny inśpiektarat.
U vyniku hetaj dziejnaści było zatrymana amal 60 tysiač niezakonnych lekaŭ i miedycynskich vyrabaŭ. Pravierki pravodzilisia na pamiežnych pierachodach, u łahistyčnych centrach, aeraportach i sartavalnych centrach pasyłak.
Najbolš časta zatrymlivali preparaty dla stravavalnaj sistemy, niervovaj sistemy (u tym liku psichastymulatary, antystresavyja leki), a taksama charčovyja dabaŭki, travianyja srodki, psichaterapieŭtyčnyja preparaty, steroidy, abiazbolvalnyja i vieterynarnyja tavary.
Siarod miedycynskich vyrabaŭ byli: inhalatary, šprycy, ihołki, adsmoktvalnyja aparaty dla dychalnych šlachoŭ, chirurhičnyja survetki. Ahulnaja vartaść kanfiskavanych tavaraŭ aceńvajecca bolš čym u 800 tysiač złotych.
Adznačajecca, što bolšaść zatrymanych praduktaŭ pastupała ź Indyi i Ukrainy, a taksama z ZŠA, Paŭdniovaj Karei, Rasii i Biełarusi. Hetyja niebiaśpiečnyja pradukty ŭ asnoŭnym pryznačalisia dla polskich abo jeŭrapiejskich spažyŭcoŭ.
Ciapier čytajuć
Płača, ale jedzie ŭ Kieniju ŭśled za mužam: łukašenkaŭski puł zastaŭsia biez addanaj supracoŭnicy1
Płača, ale jedzie ŭ Kieniju ŭśled za mužam: łukašenkaŭski puł zastaŭsia biez addanaj supracoŭnicy
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami77
Kamientary