Hałoŭny trenier «Niomana»: Karajevu dziakuj, a pi***sam, jakija zasmucilisia, pryvitańnie! Niachaj vypjuć za nas i padaviacca!
Ihar Kavalevič dvojčy źviarnuŭsia da chiejteraŭ paśla vychadu ŭ płej-of kvalifikacyi Lihi kanfierencyj. Niadobrazyčliŭcaŭ jon nazvaŭ asienizatarami i niekalkimi nie zusim cenzurnymi słovami.
Hałoŭny trenier «Niomana» Ihar Kavalevič paśla vychadu ŭ raŭnd płej-of kvalifikacyi Lihi kanfierencyj byŭ, jak zaŭsiody, emacyjny.
Hrodziency prajšli farerski «Kłakśvik». U pieršaj sustrečy jany sastupili ź likam 0:2, ale ŭ druhim matčy zrabili kambek i pieramahli pa pienalci. Kavalevič na hety kont zhadaŭ ludziej, jakija krytykavali «Nioman» paśla pieršaj hulni, i nazvaŭ ich elektrykami i asienizatarami.
«Pieradajom pryvitańnie biełaruskim santechnikam i elektrykam. Chto-niebudź b*** raziaviŭ svaju pašču, skazaŭ, što my hulali z elektrykami. Tak što hetym asienizataram pryvitańnie», — skazaŭ Kavalevič adrazu paśla hulni.
Vidavočna, heta adsyłka da futbolnaha miemu, maŭlaŭ, «Nioman» prajhraŭ kamandzie elektrykaŭ i santechnikaŭ, to-bok nibyta paŭprafiesijanałam.
Heta, nasamreč, nie zusim praŭda: «Kłakśvik» dva hady nazad dabraŭsia da hrupy Lihi kanfierencyj — u «Niomana» takoha pośpiechu ŭ jeŭrakubkach pakul nie było.
Paźniej pres-słužba «Niomana» apublikavała jašče adzin emacyjny vystup treniera, užo z raspranalni. Jon padziakavaŭ kiraŭniku Hrodzienskaj vobłaści Juryju Karajevu i znoŭ pasłaŭ chiejteraŭ.
«U nas vydatnaja kamanda, chłopcy. U nas vydatnaje kiraŭnictva ŭ asobach Juryja Chadžymurataviča [Karajeva] i Andreja Valerjeviča [Chmiela] (kiraŭnik Hrodzienskaha harvykankama). Im vialiki dziakuj za padtrymku.
Vialiki dziakuj zaŭziataram, jakija dasyłali słovy padtrymki. Sapraŭdnyja zaŭziatary, sapraŭdnyja patryjoty krainy nas lubiać. P****asam taksama pryvitańnie. Šmat takich, jakija, b**, prosta zasmucilisia. Žadaju im, kab jany vypili za naša zdaroŭje. S**a, i niachaj padaviacca», — skazaŭ Kavalevič u raspranalni.
Za vychad u hrupavy raŭnd Lihi kanfierencyj «Nioman» pazmahajecca ź ispanskim «Raja Valjekana». Matčy adbuducca 21 i 28 žniŭnia. Pa rašeńni UEFA chatnija hulni «Nioman» pravodzić nie ŭ Biełarusi, a na niejtralnym poli ŭ Vienhryi.
Ciapier čytajuć
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu5
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary
Ciapier pahledzim, što adbudziecca nasamreč.