Paśla antyŭradavaha mitynhu ŭ Białhradzie adbylisia sutyknieńni z palicyjaj
Paśla masavaha mitynhu ŭ stalicy Sierbii z patrabavańniem daterminovych vybaraŭ u centry Białhrada adbylisia sutyknieńni z palicyjaj, piša VVS.
Palicyja ŭžyła ślezaciečny haz abo piercavyja bałončyki. Žurnalisty ahienctva AFP taksama stali śviedkami vykarystańnia palicyjaj śvietłašumavych hranat.
Raniej u subotu ŭ centry Białhrada sabralisia dziasiatki tysiač pratestujučych. Na fotazdymkach ź miesca padziej bačna, što płošča Słavija ŭ centry horada, pobač ź jakoj raźmieščana šmat uradavych ustanoŭ, amal całkam zapoŭniena ludźmi.
Palicyja aceńvała kolkaść sabraŭšychsia ŭ 36 tysiač, niezaležnaja naziralnaja arhanizacyja «Archiŭ publičnych zboraŭ» — u 140 tysiač.
Dziasiatki palicejskich u achoŭnym ryštunku achoŭvali ŭradavyja budynki i blizki park, dzie taksama sabralisia vialikija hrupy prychilnikaŭ prezidenta Alaksandra Vučyča, jakija źjechalisia z usioj krainy.
A kala 22:00 pa miascovym časie (20:00 pa Hrynvičy) mitynh skončyŭsia, častka pratestujučych rušyła ŭ bok prychilnikaŭ Vučyča, a taksama pačała kidać fajery ŭ palicejskich. U hety momant palicyja ŭžyła siłu.
Na fota z drona bačnaja płošča i vulicy, što sychodziacca na jaje, zapoŭnienyja ludźmi
Subotniaja akcyja stała praciaham sieryi pratestaŭ suprać karupcyi, jakaja praciahvajecca ź listapada minułaha hoda, kali ad abrušeńnia bietonnaha naviesa na tolki što adramantavanym čyhunačnym vakzale ŭ Novi-Sadzie zahinuli 16 čałaviek.
Pratestujučyja ličać karupcyju pryčynaj trahiedyi.
U minułym miesiacy pratestujučyja pačali patrabavać daterminovych parłamienckich vybaraŭ. U ciapierašnim parłamiencie bolšaść maje partyja prezidenta Alaksandra Vučyča. Sam jon raniej kazaŭ, što nastupnyja vybary adbuducca dakładna ŭ termin, a jon nadydzie ŭ kancy 2026 hoda.
Pratestujučyja patrabavali ad Vučyča zhody na daterminovyja vybary, ale jon adchiliŭ ich patrabavańnie.
Vučyč časta śćviardžaje, nie pryvodziačy dokazaŭ, što pratestujučyja dziejničajuć u intaresach «zamiežnych dziaržaŭ».
-
«Zaličanaja pa niestandartnaj pracedury». Stała viadoma, jak ščodra padmazvaŭ Epštejn univiersitet, u jakim vučyłasia Karyna Šulak
-
Rubia ŭ apošni momant admianiŭ sustreču ź lidarami Jeŭropy ab pytańni Ukrainy
-
Studzień 2026 hoda ŭvajšoŭ u piaciorku samych ciopłych pieršych miesiacaŭ hoda ŭ śviecie. Jak heta ni dziŭna dla biełarusaŭ
Ciapier čytajuć
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami7
Kamientary