U Polščy źbirajuć hrošy na lačeńnie chvoraha biełaruskaha chłopčyka
Na płatformie Siepomaga.pl źjaviłasia abviestka pra zbor na lačeńnie trochhadovaha Davida Jeŭsiajeviča rodam ź Minska. U jaho — śpinalnaja myšačnaja atrafija (SMA).
Jak pišuć baćki Davida, pieršyja prykmiety chvaroby źjavilisia ŭ nožkach: chłopčyk raptam pačaŭ padać, staŭ niaŭstojlivym, pierastaŭ padymacca pa prystupkach. Jon paźbiahaŭ hulniaŭ, dzie treba było niekudy załazić — naprykład, na horki ci leśvicy. Potym pačaŭ prasić, kab baćki nasili jaho na rukach — jon užo nie moh prajści doŭhija dystancyi. U vyniku daviałosia pačać karystacca invalidnym vazkom.
Baćki byli spałochanyja i nie razumieli, čamu raniej zdarovy chłopčyk raptam apynuŭsia ŭ takoj situacyi. Jany abyšli mnostva śpiecyjalistaŭ, pakul paśla hienietyčnych analizaŭ nie pačuli kančatkovy dyjahnaz — śpinalnaja myšačnaja atrafija (SMA).
Śviet dla baćkoŭ padzialiŭsia na «da» i «paśla».
Jany adrazu pačali dziejničać, šukać dapamohu, padtrymku, infarmacyju. Ale vielmi chutka vyśvietliłasia, što lačeńnie nadzvyčaj darahoje — i biez dapamohi spravicca niemahčyma.
Chvaroba zabiraje ŭ Davida dziacinstva, siły i mahčymaść samastojna ruchacca. Ale lekary kažuć, što chłopčyk zmoža žyć narmalna, kali svoječasova pačnie atrymlivać śpiecyjalny preparat. Čym chutčej — tym lepš.
Padtrymać Davida Jeŭsiajeviča možna pa spasyłcy.
Kamientary
počiemu-to nie raskryt etot momient v staťje.