Pamočnika dyrektara pradpryjemstva złavili z 200 rublami chabaru. Jon pajedzie ŭ kałoniju i zapłacić šalony štraf
Uziaŭ 200 rubloŭ — a pavinien zapłacić 12600 rubloŭ.
U sudzie Maskoŭskaha rajona Minska vynieśli prysud 39-hadovamu žycharu Vilejskaha rajona, paviedamlajuć «Minsk-Naviny».
Jon pracavaŭ u stalicy na 2-m Pryłuckim pradpryjemstvie, byŭ pamočnikam dyrektara. Što za pradpryjemstva, uhadać składana, ale niešta źviazanaje z ramontam śpiectechniki.
Mužčyna atrymaŭ 200 rubloŭ chabaru ad dyrektara pryvatnaj kampanii. Za heta jon pavinien być vybrać chabaradaŭcu ŭ jakaści vykanaŭcy darahoha ramontu kołavoha reduktara.
Kali pra heta stała viadoma, u dačynieńni da pamočnika dyrektara raspačali kryminalnuju spravu. Vinu jon całkam pryznaŭ, u zroblenym raskajaŭsia.
Sud pryznaŭ jaho vinavatym u atrymańni chabaru. Žycharu Vilejskaha rajona prysudzili 3 hady kałonii, 12600 rubloŭ štrafu i zabaronu zajmać arhanizacyjna-rasparadčyja pasady jašče na 5 hadoŭ.
Adzin hod źniavoleńnia źjeła amnistyja, ale na dva hady jaho ŭsio ž adpraŭlajuć u kałoniju.
Ciapier čytajuć
Inžyniera-kanstruktara z upraŭleńnia «Pielenha», jakoje robić techniku dla rasijskaha vojska, asudzili pa palityčnych artykułach2
Kamientary
Za 200 binrub - 5 let kołonii, za siemiejnyje iilliardy v ofšorach - požiźniennoje priezidientstvo, uvažucha i počiot.....
Vyvod - jeśli brať vziatku i krasť, to tak, čtoby kompiensirovała kołoniju i chvatiło do 10 kolena naślednikam!
Učitieś u backi łukašienko !