Češskaja raźviedka raskazała, jak praduchiliła zamach Kitaja na vice-prezidentku Tajvania
Ahienty kitajskaj ambasady płanavali zładzić najezd na kartež, u jakim vice-prezidentka Tajvania pierasoŭvałasia padčas vizitu ŭ Prahu.
Češskaja raźviedka na hetym tydni zajaviła, što praduchiliła zamach na byłuju vice-prezidentku Tajvania Siaa Bi-chim padčas jaje vizitu ŭ Čechiju ŭ sakaviku 2024 hoda.
Pra heta piša «Jeŭrapiejskaja praŭda» sa spasyłkaj na ahienctva AFP.
Pradstaŭnik češskaj vajskovaj raźviedki Jan Pejsek zajaviŭ AFP u niadzielu, što Siaa Bi-chim była mišeńniu «asob, lehalizavanych na dypłamatyčnych pasadach u kitajskaj ambasadzie ŭ Prazie».
Jon skazaŭ, što jany sačyli za joj i źbirali infarmacyju ab prahramie Siaa Bi-chim i jaje sustrečach z češskimi čynoŭnikami.
«My navat zafiksavali sproby kitajskaj cyvilnaj raźviedki stvaryć umovy dla demanstratyŭnych dziejańniaŭ suprać čałavieka, jaki znachodzicca pad abaronaj, jakija, adnak, nie vyjšli za ramki padrychtoŭčaha etapu», — dadaŭ Pejsek.
Pavodle paviedamleńnia vajskovaj raźviedki Čechii, ahienty kitajskaj ambasady płanavali zładzić najezd na kartež, u jakim vice-prezidentka Tajvania pierasoŭvałasia padčas vizitu ŭ Prahu.
Sama Siaa Bi-chim, reahujučy na infarmacyju ab zamachu na jaje, zajaviła, što «niezakonnyja dziejańni» Kamunistyčnaj partyi Kitaja jaje nie zapałochajuć i jana «budzie praciahvać adstojvać intaresy Tajvania ŭ mižnarodnaj supolnaści».
Čechija, jak i bolšaść krain, nie maje aficyjnych dypłamatyčnych adnosin z Tajvaniem, ale padtrymlivaje tryvałyja niefarmalnyja kantakty. Tajvańskija vysokatechnałahičnyja kampanii taksama źjaŭlajucca značnymi inviestarami ŭ Čechii.
U 2023 hodzie ŭrady Čechii i Tajvania damovilisia ab supracoŭnictvie ŭ adnaŭleńni Ukrainy.
Ciapier čytajuć
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary