Šmathadovy premjer-ministr Vienhryi Viktar Orban, jaki paśla ŭčystuju prajhranych dva tydni tamu parłamienckich vybaraŭ musić pajści ŭ adstaŭku, zajaviŭ, što admaŭlajecca ad deputackaha mandata dla siabie asabista, choć hatovy i dalej kiravać svajoj partyjaj «Fides». Pra heta palityk zajaviŭ u videa, apublikavanym na svajoj staroncy ŭ fejsbuku, paviedamlaje «Jeŭrapiejskaja praŭda».
Orban paviedamiŭ, što zaviaršyłasia pasiadžeńnie prezidyuma jahonaj partyi «Fides», na jakim palityčnaja siła vyrašyła «kardynalna refarmavać» parłamienckuju frakcyju, jakaja budzie sfarmavanaja ŭ paniadziełak. Jaje kiraŭnikom stanie Hierhiej
Dźjordź, a sam Orban płanuje admovicca ad deputackaha mandata.
«Mandat, jaki ja atrymaŭ jak lidar śpisa «Fides»—chryścijanskija demakraty, nasamreč źjaŭlajecca parłamienckim mandatam «Fides», tamu ja vyrašyŭ jaho viarnuć. Zaraz ja patrebny nie ŭ parłamiencie, a dla rearhanizacyi nacyjanalnaha ruchu», — skazaŭ Orban.
Jon dadaŭ, što na nastupnym tydni partyja praviadzie ahulnanacyjanalnaje pasiadžeńnie, a źjezd pa abrańni kiraŭnictva pieraniesieny na červień.
«Amal čatyry dziesiacihodździ ja ŭznačalvaŭ našu supolnaść, za hety čas my pieražyli pośpiechi i niaŭdačy, pieramohi i parazy na vybarach. Ale adno zastałosia niaźmiennym: hety łahier zaŭsiody byŭ samaj zhurtavanaj i adzinaj palityčnaj supolnaściu Vienhryi, i hetaje adzinstva zaraz vielmi patrebna Vienhryi.
Prezidyum prapanuje, kab ja praciahvaŭ svaju pracu jak staršynia «Fides», i kali źjezd udastoić mianie svajoj davieram, ja hatovy da hetaj zadačy», — zajaviŭ užo amal były premjer-ministr.
«Upieršyniu za hady ŭ zale niama ruskich» — Tusk tonka pakpiŭ z Orbana
«Cisa» ŭ Vienhryi atrymała navat bolš parłamienckich mandataŭ, čym mierkavałasia papiarednie
«Pieramohu «Cisy» ŭsprymaju pazityŭna, ale jość aściarohi». Biełarusy, jakija žyvuć u Vienhryi, raskazali pra vybary i źmienu ŭrada
Madźjar anansavaŭ uviadzieńnie abmiežavańniaŭ na terminy zajmańnia pasady premjera Vienhryi
Chto taki Pieter Madźjar, jaki pieramoh Viktara Orbana
Ciapier čytajuć
«Lipa va ŭsich sensach». Voś jak buduć vyhladać drevy ŭ vazonach na hałoŭnym minskim praśpiekcie. Błohiery atrymali zadańnie imi zachaplacca17
Kamientary