Staryja karpusy Minskaha hadzińnikavaha zavoda čakaje maštabnaja rekanstrukcyja
Pramysłovaja terytoryja Minskaha hadzińnikavaha zavoda na praśpiekcie Niezaležnaści praciahvaje mianiać svajo abličča. Pavodle prajekta, apublikavanaha administracyjaj Pieršamajskaha rajona Minska, častka byłych vytvorčych budynkaŭ budzie pieraŭtvoranaja ŭ sučasny dziełavy i miedycynski kompleks, piša Domovita.by.
Terytoryja zavoda ŭžo pierastała być zakrytaj pramysłovaj zonaj. Tut pracujuć muziej pradpryjemstva i hastraplacoŭka «Najlepšaja vulica». Ciapier płanujecca rekanstrukcyja jašče dvuch abjektaŭ.
Najbolš značnyja źmieny zakranuć vytvorčy korpus №10. Ciapierašni trochpaviarchovy budynak amal całkam demantujuć, zachavaŭšy tolki častku padvała. Na jaho miescy pabudujuć novy siamipaviarchovy kompleks.
Budynak budzie aformleny ŭ sučasnym architekturnym styli. Prajekt praduhledžvaje manalitny karkas, ścieny ź jačeistaha bietonu i vientylavany fasad ciomnych koleraŭ ź vialikimi panaramnymi voknami. Vyšynia novaha korpusa składzie kala 34 mietraŭ.
Na pieršym paviersie raźmieściacca handlovyja pamiaškańni płoščaj kala 290 kvadratnych mietraŭ i miedycynski błok. Z druhoha pa siomy pavierch buduć znachodzicca ofisy i administracyjnyja pamiaškańni.
Prajekt taksama praduhledžvaje stvareńnie vystavačnaj infrastruktury. Na trecim i šostym pavierchach z pavialičanaj vyšynioj stolaŭ źjaviacca vystavačnyja zały płoščaj kala 170 kvadratnych mietraŭ kožnaja, a taksama kanfierenc-zała.
Padvalnyja pamiaškańni buduć vykarystoŭvacca dla techničnych patreb — raźmiaščeńnia vientylacyjnaha abstalavańnia i elektraščytavoj. Ahulnaja płošča novaha korpusa składzie kala 5,2 tysiačy kvadratnych mietraŭ.
Źmieny zakranuć i były skład chimičnych materyjałaŭ. Jaho pieraabstalujuć pad miedycynski centr sa stamatałahičnymi łabaratoryjami. Paśla rekanstrukcyi ŭ budynku buduć pracavać dva kabiniety zubnych technikaŭ, hipsavalnaja i pakoj dla piersanału. Kala ŭvachodu płanujecca adkryć nievialiki kavavy punkt.
Prajekt praduhledžvaje ŭparadkavańnie ŭsioj prylehłaj terytoryi. Dla supracoŭnikaŭ i naviedvalnikaŭ budzie stvorana 78 parkovačnych miescaŭ: 50 niepasredna kala novych budynkaŭ i jašče 28 — na terytoryi zavoda.
Praduhledžvajecca zachavańnie najaŭnych zialonych nasadžeńniaŭ i stvareńnie novych hazonaŭ. Usie novyja abjekty buduć adaptavanyja dla ludziej z abmiežavanymi mahčymaściami: prajekt uklučaje biezbarjernyja ŭvachody i lifty.
Aznajomicca z materyjałami prajekta i vykazać svaje zaŭvahi abo prapanovy žychary Minska mohuć da 10 žniŭnia ŭ ramkach hramadskaha abmierkavańnia. Taksama ekspazicyja prajekta pradstaŭlenaja ŭ budynku administracyi Pieršamajskaha rajona.
Zamiest zajaŭlenych šmatdzietnych siemjaŭ u novabudoŭlu ŭ Minsku zasialajuć achoŭnikaŭ Łukašenki
Saviecki madernizm Taškienta pryznali suśvietnaj spadčynaj JUNIESKA. U Minsku jaho abšyvajuć kieramahranitam i admaŭlajucca brać pad achovu
Ci praviaduć mietro ŭ «Paŭnočny bierah» i jak rekanstrujujuć Daŭhinaŭski trakt. Jakija pieramieny čakajuć Centralny rajon stalicy
Stała viadoma, u što pieratvorycca zakinutaja hramadskaja prybiralnia na bierazie Śvisłačy ŭ centry Minska
Ciapier čytajuć
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja5
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary