«Tolki na treci dzień pačynaju razumieć». Hrodzienka prajšła 100 kiłamietraŭ pa horadzie mienš čym za sutki
Hrodzienskaja fitnies-trenierka Anastasija zładziła ŭłasny čelendž i prajšła 100 km pa horadzie mienš, čym za sutki. Pra piersanalny rekord dziaŭčyna raskazała ŭ Threads, zaŭvažyła vydańnie Hrodna Life.
Pieršyja 50 km: pustyja vulicy i lohki bol u ciahlicach
U darohu Anastasija adpraviłasia nočču — i napisała pra heta adpaviedny post, paprasiŭšy karystalnikaŭ pažadać joj pośpiechu. Na pieršych 10 km samym składanym dla dziaŭčyny byli pustyja vulicy — Anastasija pryznavałasia, što «razmaŭlaje sama z saboj», a muzyku ŭ ciemry i tumanie joj słuchać zusim nie chaciełasia.
Prajšoŭšy 25 km pa svaim rajonie, dziaŭčyna nakiravałasia ŭ centr horada. Na 40 km hrodzienka adčuła, jak napružylisia jahadzičnyja ciahlicy, a na 50 km — «zachacieła prylehčy».
«Da bolu ŭ nahach užo pryvykła. Pajaśnica naohuł raduje, nie zabiłasia jašče», — apisvała adčuvańni Anastasija.
Druhaja častka šlachu: prypynki na kavu i mazali na palcach noh
Da 60 km fitnes-trenierka źjeła ŭsiu ježu, jakuju brała z saboj z domu. Na hetym etapie hoładu dziaŭčyna nie adčuvała i nie źviartała ŭvahi na bol u nahach.
«Adčuvaju, što ŭžo jość try mazali na palcach. Ale kali nie spyniacca, to jany niejak prykočvajucca i naohuł nie adčuvalnyja», — dadavała jana.
Na 70 km Anastasija adčuła mocnuju stomu, tym nie mienš išła biez prypynkaŭ. Pry hetym ahavorvała, što «tualet, kureńnie i kava» — nie ličacca. Užo na nastupnym dziasiatku dziaŭčyna pryznałasia, što siły jaje pakinuli całkam.
Finał: paśpiachova vykanany čelendž
Ale Anastasii ŭsio ž udałosia finišavać. Vynikovyja pakazčyki atrymalisia nastupnymi: 100 km za 22 hadziny i 133,4 tysiač krokaŭ.
«Tolki na treci dzień ja pačynaju razumieć, što pieraadoleła 100 km. I chaču skazać vialiki dziakuj ludziam, jakija mianie padtrymlivali i byli sa mnoj da samaha finišu. Vaša padtrymka była nieacennaja», — paśla napisała ŭ Threads Anastasija.
Uvieś nastupny tydzień dziaŭčyna adnaŭlałasia, ale treniroŭki ŭsio roŭna pravodziła, choć i ŭ palehčanym varyjancie.
Inšaja haradžanka ładziła padobny čelendž
Vosieńniu 2025 hoda hrodzienka Kaciaryna zładziła sabie inšy čelendž — zachacieła abyjści ŭvieś horad za adzin dzień. Dziaŭčynie heta ŭdałosia — na vykanańnie zadańnia pajšło dziesiać hadzin, za hety čas Kaciaryna pieraadoleła 43 km.
«Za 500 rublej letieł v Minsk iz Mohileva na samoletie». Minčanin po poriadku objechał vsie miesta s biełorusskich kupiur
U centry Minska zatrymali hołaha biehuna, jaki ŭdzielničaŭ u treš-čelendžy Miełstroja
Udzielnik čelendžu Mełstroja pryciahnuŭ na nabiarežnuju ŭ Homieli aŭtamat z cackami i ŭźlez na jaho. Im zacikavilisia siłaviki
Biełarus nyrnuŭ biez ryštunku na hłybiniu 30 mietraŭ u Mieksicy. I ŭsio dziela šykoŭnych fota
Chłopiec raskleiŭ pa Minsku čatyry tysiačy abjaŭ pra toje, što šukaje dziaŭčynu. Što z hetaha atrymałasia?
Ciapier čytajuć
I pra realnych bandytaŭ, i pra kryvarukaha Kościu-plitačnika, i pra seks u ciahniku. Žurnalistka z Homiela napisała knihu — čytać jaje strašna i śmiešna77
Kamientary
Pro viezunčikov s bolnymi počkami i sustavami, kotoryje v eto vpišutsia, voobŝie mołču.
No, "nie očień umnyje ludi dołžny stradať" (s)
[Zredahavana]