Kaciaryna Vadanosava patłumačyła, čamu vyjšła z vybarčaha błoka Łatuški
Žurnalistka ŭ svaim fejsbuku patłumačyła pryčyny adklikańnia svajoj kandydatury na vybarach u Kaardynacyjnuju radu.
«Pryčyna źviazanaja z adnoj z maich prac [Kaciaryna supracoŭničaje z «Biełsatam» i Budźmaj — NN]. Ja była čaliniaj KR papiaredniaha sklikańnia, maja kadencyja skončycca nieŭzabavie, ale hetym razam adnym z maich pracadaŭcaŭ (a ŭ mianie niekalki prac, jak vy, napeŭna, viedajecie) da majho śviedčańnia było daviedziena, što moj udzieł u luboha kštałtu palityčnaj dziejnaści moža być uspryniaty niehatyŭna, i ja mahu być abvinavačanaja ŭ praduziataści i anhažavanaści.
Pakolki ja nikoli nie vykarystoŭvała svajo słužbovaje stanovišča ŭ jakaści instrumienta ŭpłyvu, a taksama pakolki ja liču, što takija (navat hipatetyčnyja) abvinavačvańni mohuć paŭpłyvać na maju hodnaść i rename, to vymušanaja adklikać svaju kandydaturu z vybarčaha śpisu», — napisała jana.
Kaciaryna taksama padziakavała Paŭłu Łatušku za toje, što jaje maci nie była vyviezienaja ŭ Litvu, a zastałasia ŭ Polščy.
«Praŭda, potym jana pamierła, nie vytrymaŭšy stresu, i na mianie ledźvie nie «paviesili» (darujcie mnie hety słenh) apłatu rachunka za jaje reanimacyju i apieracyju, ale, iznoŭ ža, dziakujučy tamu, što Pał Pałyč znoŭ i znoŭ havaryŭ pra moj kiejs, rabiŭ ź jaho precedent, apubličvaŭ jaho i razmaŭlaŭ ź ludźmi, jakija majuć upłyŭ na rašeńni UDSC, mnie ŭdałosia dakazać, što mama ŭ čas śmierci była zastrachavanaja, i paźbiehnuć ahromnistych trataŭ «za śmierć» maci, i sabranyja praz Bajsoł hrošy ŭdałosia nakiravać na inšuju dabračynnaść. Tamu ja ź vialikaj pavahaj i ŭdziačnaściu staŭlusia da maich (užo byłych) kalehaŭ pa vybarčym śpisie, a taksama pavažaju i dziakuju kandydatam z usich śpisaŭ, viedajučy, jakuju niaŭdziačnuju i ciažkuju nošu jany padymajuć na svaje plečy», — napisała jana.
Ciapier čytajuć
Biełaruskija repietytary ŭ panicy: praz prablemy «Jandeksa» jany mohuć stracić materyjały, jakija napracoŭvali hadami27
Kamientary