U nacyjanalnym parku Fonhnia-Kiebanh u Vjetnamie mižnarodnaja ekśpiedycyja praviała maštabnaje daśledavańnie i adkryła 26 novych piačor. U skład hrupy ŭvachodzili kala dziesiaci zamiežnych i šerah vjetnamskich śpiecyjalistaŭ, jakija pracavali ŭ rehijonie amal try tydni, piša vydańnie vietnam.vn.
Najbolš uražlivaj znachodkaj stała piačora Ča Nhieo. Jana maje amal viertykalnuju karstavuju strukturu: jaje ahulnaja daŭžynia kala 583 mietraŭ, a vyšynia dasiahaje prykładna 751 mietra. Kab dabracca da jaje i pačać daśledavańnie, kamandzie spatrebiłasia kala paŭtara dnia — nastolki składanaja miascovaść.
Asablivaść hetaj piačory — unikalny padziemny vadaspad. Vada padaje z vyšyni kala 350 mietraŭ ad uvachodu ŭhłyb piačory i traplaje ŭ padziemny ručaj. Navukoŭcy adznačajuć, što choć padziemnyja reki ŭ piačorach sustrakajucca časta, takija vysokija vadaspady — vialikaja redkaść.
Daśledavańnie Ča Nhieo pakul nie zavieršana. Unutry vielmi nizkija tempieratury, što patrabuje śpiecyjalnaha abstalavańnia, a sama struktura piačory niebiaśpiečnaja: mahčymyja kamieniapady i rezkija pavodki. Tamu jaje poŭnyja pamiery, a taksama ekałahičnaja i navukovaja kaštoŭnaść jašče buduć udakładniacca.
Ekśpierty taksama adznačajuć, što heta miesca naŭrad ci stanie turystyčnym abjektam najbližejšym časam. Składanaść maršrutaŭ, nieabchodnaść alpinisckich navykaŭ i ryzyki dla žyćcia robiać naviedvańnie piačory vielmi niebiaśpiečnym.
Za apošnija dziesiacihodździ ŭ hetym parku ŭžo adkryta bolš za 470 piačor, i novyja znachodki jašče raz paćviardžajuć, što heta adna z najbahaciejšych karstavych zon u śviecie z unikalnaj hieałohijaj i bijaraznastajnaściu.
Ciapier čytajuć
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra20
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»99
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»9
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy29
«Vykopvała nievialikija jamki, źbirała mutnuju daždžavuju vadu i piła jaje». Piensijanierka, jakaja dva tydni błukała pa lesie, raskazała, jak joj udałosia vyžyć22
Kamientary