Piać čałaviek paciarpieli pry paškodžańni trubapravoda ź siernaj kisłatoj z-za ataki dronaŭ na Vałahodskuju vobłaść
U noč na 26 krasavika najbujniejšy ŭ Jeŭropie zavod pa vytvorčaści fosfarnych uhnajeńniaŭ — čarapaviecki filijał AT «Apatyt» u Vałahodskaj vobłaści — padvierhnuŭsia čarhovaj atacy bieśpiłotnikaŭ.
Pavodle paviedamleńnia hubiernatara rehijona Hieorhija Filimonava, u vyniku ŭdaru na terytoryi azotnaha kompleksu «Amijak-3» byŭ paškodžany trubapravod vysokaha cisku ź siernaj kisłatoj.
Paciarpieli piać supracoŭnikaŭ pradpryjemstva, jany atrymali chimičnyja apioki siernaj kisłatoj i byli terminova špitalizavanyja. Stan adnaho z paciarpiełych miedyki aceńvajuć jak ciažki.
Rasijskija ŭłady zajaŭlajuć, što pažaru na miescy prylotu nie zafiksavana, a technałahičny praces byŭ apieratyŭna ŭziaty pad kantrol.
Taksama jany zajaŭlajuć ab adsutnaści ekałahičnaj pahrozy dla horada, niahledziačy na razhiermietyzacyju trubapravoda ź niebiaśpiečnym rečyvam.
Kamientary